Lashasy Biełarusi płanujuć arhanizavać bolš jak 600 jołačnych kirmašoŭ.
Ciaredni košt navahodnich dreŭ vyšynioj da 1 m u Bresckaj vobłaści składzie 39,7 tys. rubloŭ, u Viciebskaj — 60 tys., Homielskaj — 48,4 tys., Hrodzienskaj — 50 tys., Minskaj — 44,4 tys., Mahiloŭskaj — 37 tys.
Košt jołki i chvoi ad 1,01 da 2 m składzie ŭ siarednim pa Bresckim rehijonie 50,1 tys. rubloŭ, Viciebskim — 80 tys., Homielskim — 63 tys., Hrodzienskim — 62,3 tys., Minskim — 56 tys., Mahiloŭskim — 54 tys. rubloŭ.
Navahodniaje dreva vyšynioj ad 2,01 da 3 m budzie kaštavać u Bresckaj vobłaści 66,1 tys. rubloŭ, u Viciebskaj — 115 tys., Homielskaj — 86 tys., Hrodzienskaj — 86 tys., Minskaj — 70,4 tys., Mahiloŭskaj — 83 tys. rubloŭ.
Jołku ci chvoju vyšynioj ad 3,01 da 4 m možna budzie nabyć tolki ŭ Viciebskaj, Homielskaj, Mahiloŭskaj i Minskaj abłaściach pa siaredniaj canie adpaviedna 180, 114, 118 i 146,9 tys. rubloŭ.
Drevy, vyšynia jakich składzie ad 4,01 da 5 m buduć realizoŭvać lashasy Viciebskaj vobłaści — za 300 tys. rubloŭ, Homielskaj — za 182 tys., Minskaj — za 241 tys., Mahiloŭskaj vobłaści — za 345 tys. rubloŭ.
Akramia taho, navahodnija drevy možna budzie nabyć i ŭ laśnictvach. Ceny tut buduć nižej za rynačnyja.
Jołačnyja kirmašy pačnuć pracavać u stalicy, a taksama va ŭsich abłasnych i rajonnych centrach napiaredadni katalickich Kalad — 23 śniežnia. Akramia tradycyjnych śsiečanych dreŭ niekatoryja lashasy padrychtavali da realizacyi jołki ŭ kadkach, a taksama navahodnija bukiety z halinak chvajovych dreŭ.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi19
Kamientary