Heta zdaryłasia 7 śniežnia ŭ časie pravierki mašyny supracoŭnikami DPS.
«Za 90 km da Kijeva nas spyniŭ atrad DPS i padčas pravierki dakumantaŭ u mašyny niechta prabiŭ koły», — paviedamiŭ radyjo «Svaboda» maładafrontaviec Mikałaj Dziamidzienka.
Mikałaj ź siabrami vyjechaŭ ź Miensku 6 śniežnia na aŭtobusie. U toj viečar milicyja spyniła kala Marjinaj Horki aŭtobus ź biełarusami, jakija jechali na Eŭramajdan. Usiaho ŭ aŭtobusie było 52 pasažyry.
Dalej jany byli vymušanyja dabiracca aŭtaspynam da Homiela, a adtul na mašynie praciahnuli šlach u Kijeŭ.
Dziamidzienka kaža, što na ŭkrainskaj miažy ich 4 hadziny dahladali i dapytvali pa adnym. «Jany prymušali nas padpisać dakumant, što my nia budziem udzielničać u akcyi pratestaŭ».
Za 90 kilametraŭ da Kijeva aŭtamabil spyniŭ atrad DPS.
«Pakul u kiroŭcy praviarali dakumanty, nam niechta prabiŭ koły», — paviedamiŭ Dziemidzienka. — Dalej my iznoŭ dabiralisia na paputkach».
Takim čynam na darohu ź Miensku da Kijeva siamiora maładafrontaŭcaŭ patracili sutki. Ciapier jany na Majdanie.
Kamientary