Žychary 96 damoŭ paŭdnia mieli prablemy z vodazabieśpiačeńniem.
U vyniku ŭčarašniaj avaryi na trubapravodzie pa vulicy Čapajeva, 5, u Minsku žychary 96 damoŭ paŭdnia mieli prablemy z vodazabieśpiačeńniem.
Jak piša sajt MNS, paviedamleńnie ab avaryi pastupiła 14 śniežnia ŭ 15.00 ad vypadkovych prachožych.
«Padčas razboru było ŭstanoŭlena, što adbyŭsia razryŭ mahistralnaha vadavoda chałodnaha vodazabieśpiačeńnia dyjamietram 900 mm, u vyniku čaho adbyłosia panižeńnie cisku ŭ sistemie chałodnaha vodazabieśpiačeńnia ŭ 96 žyłych damach pa 16 vulicach horada (poŭnaha adklučeńnia chałodnaha vodazabieśpiačeńnia ad spažyŭcoŭ nie było)», — paviedamlaje MNS.
Dla žycharoŭ kvater, dzie vodazabieśpiačeńnie adsutničała, UP «Minskvodakanał» arhanizavała padvoz chałodnaj vady piaćciu cysternami.
Da 21.00 cisk vady ŭ spažyŭcoŭ byŭ adnoŭleny da nieabchodnaha ŭzroŭniu.
Z-za vady, jakaja vyciekła z paškodžanaha trubapravoda, adbyŭsia namyŭ hruntu na tramvajnyja rejki, u vyniku čaho tramvaj maršruta № 7, jaki jechaŭ z pasažyrami, syšoŭ z rejek piarednimi kołami.
Ludzi nie paciarpieli, tramvaj byŭ pastaŭleny na rejki aŭtakranam i adpraŭleny ŭ tramvajny park.
Ruch tramvajaŭ nie spyniaŭsia — jaho arhanizavali pa abjaznym maršrucie, paviedamlaje MNS.
U vyniku avaryi byli padtoplenyja adkrytaja placoŭka dla razhruzki hipsavaha kamieniu AAT «Biełhips» pa vuł. Kazłova, 24, pieršy pavierch administracyjnaha budynka RUP «Žyłkamuntechnika» pa vuł. Čapajeva, 4, i parkinh administracyjnaha budynka biźnies-centra «Viktoryja Płaza» pa vuł. Płatonava, 1b.
Miarkujecca, što pryčynaj avaryi stała «stareńnie materyjału vadavoda», paviedamlaje MNS. Na miescy avaryi praciahvajuć pracavać apieratyŭnyja hrupy padraździaleńniaŭ MNS haradskoha ŭpraŭleńnia i Partyzanskaha rajona.
Čakajecca, što paškodžany vadavod budzie adnoŭleny da 21.00 15 śniežnia.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary