RPC zvolniła dyjakana Kurajeva, jaki źviarnuŭ uvahu na hiej-skandał u duchoŭnaj sieminaryi
Dyjakana i samaha viadomaha pravasłaŭnaha błohiera vyvieli ź liku vykładčykaŭ Maskoŭskaj duchoŭnaj akademii.
«Vučonaja rada kanstatavała, što protadyjakan Andrej Kurajeŭ rehularna vystupaje ŭ srodkach masavaj infarmacyi i ŭ błohaśfiery z epatažnymi publikacyjami i što jaho dziejnaść u hetych halinach zastajecca ŭ šerahu vypadkaŭ skandalnaj i pravakacyjnaj», — paviedamiła pres-słužba Maskoŭskaj duchoŭnaj akademii — centralnaj navučalnaj ustanovy Ruskaj pravasłaŭnaj carkvy.
Dyjakan Kurajeŭ — samy viadomy pravasłaŭny błohier. Niadaŭna ŭ svaim błohu jon nadaŭ publičnaść skandału ŭ Kazanskaj duchoŭnaj sieminaryi (Tatarstan).
Stul pryjšła skarha na seksualnyja vyčvarenstvy kiraŭnictva z navučencami. Paśla taho jak fakty paćvierdzili čatyry piatych studentaŭ i jany stali viadomymi ŚMI, zvolnili prarektara pa vychavaŭčaj pracy.
Dyjakan u svaim błohu patrabavaŭ, kab stroha pravieryli taksama rektara akademii i mitrapalita Kazanskaha, ciesna ź im źviazanaha.
Ale sam jon źviazvaje zvalnieńnie nie stolki z aśviatleńniem kazanskaha skandału, a z publikacyjaj lista, jaki raskazvaje ab homaseksualiźmie mitrapalita Leninhradskaha Mikadzima Rotava — najbolšaj fihury rasijskaha pravasłaŭja XX stahodździa.
Rotaŭ rukapakłaŭ ciapierašniaha patryjarcha Kiryłu. Jon byŭ papiarednikam mitrapalita Minskaha i Słuckaha Fiłareta na čale Adździeła zamiežnych carkoŭnych znosinaŭ RPC — jaki ŭ savieckija časy vykarystoŭvaŭsia KDB dla pracy praz carkvu. Rotaŭ pamior na aŭdyjencyi ŭ Papy.
Kurajeŭ nazyvaŭ homaseksualizm vialikaj prablemaj Ruskaj pravasłaŭnaj carkvy i zaklikaŭ zdarovyja siły carkvy abjadnacca dla ačyščeńnia.
Protadyjakan Kurajeŭ niaredka vyłučaŭ nieardynarnyja idei. Jon zaklikaŭ da jevanhielizacyi Kitaja. Jon źvinavaciŭ isłam u paradžeńni teraryzmu. Ale pa-nad usim jon horača vystupaŭ za abnaŭleńnie pravasłaŭja, krytykavaŭ jaho zahany.
U kancy śniežnia Kurajeva vyklučyli ź Sinadalnaj bahasłoŭskaj kamisii. Darečy, adnačasova ź im vyklučyli archimandryta, jaki simpatyzavaŭ Ukrainie. A 31 śniežnia Kurajeva adchilili i ad vykładańnia ŭ Duchoŭnaj akademii.
«Toržiestvo hołuboho łobbi?» — pad takim zahałoŭkam raskazvaje ŭ svaim błohu dyjakan Kurajeŭ pra toje, što adbyłosia.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia1
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary