Jaho baćki pachodzili ź Biełarusi.
U Izraili 11 studzienia pamior były premjer-ministr Aryel Šaron, jaki niekalki hadoŭ znachodziŭsia ŭ komie. Pra heta paviedamlaje lenta.ru sa spasyłkaj na Reuters.
Stan 85-hadovaha byłoha palityka značna pahoršyŭsia ŭ pačatku studzienia 2014 hoda. Spačatku ŭ jaho vyjavili nyračnuju niedastatkovaść. Paźniej daktary zafiksavali admovu inšych žyćciova važnych orhanaŭ.
U pačatku miesiaca z Šaronam taksama praviali testy, jakija vyjavili pavyšanuju aktyŭnaść jaho mozhu. U pryvatnaści, były premjer reahavaŭ na zapis hołasu svajakoŭ i na dotyk.
Šaron trapiŭ u komu ŭ 2006 hodzie paśla insultu.
Jaho dzied naradziŭsia i vyras u Breście. Baćka taksama byŭ z Bresta. Maci naradziłasia pad Čavusami na Mahiloŭščynie. U Paleścinu baćki emihravali ŭ 1922 h.
Šaron ź plejady izrailskich palitykaŭ, jakija pačynali svaju karjeru sałdatami i aficerami nieŭzabavie paśla abviaščeńnia niezaležnaści krainy ŭ 1948 hodzie.
Jon stajaŭ la vytokaŭ śpiecnazu izrailskaj armii, kamandavaŭ desantnikami ŭ pieryjad Sueckaha kryzisu 1956 i tankistami padčas Šaścidzionnaj vajny 1967 hoda.
Słavu vybitnaha vajennaha strateha Šaronu prynios udzieł u Vajnie Sudnaha dnia 1973 hoda. Tady jaho braniatankavaj dyvizii ŭdałosia farsiravać Suecki kanał i zachapić płacdarm na afrykanskim bierazie, što ŭ kančatkovym vyniku pryviało da kapitulacyi jehipcian.
U jakaści palityka Šaron byŭ adnym z aktyŭnych prychilnikaŭ budaŭnictva habrejskich pasieliščaŭ na paleścinskich ziemlach.
Staŭšy premjer-ministram, jon u 2005 hodzie vystupiŭ ź inicyjatyvaj adnabakovaha raźmiežavańnia z paleścincami.
U vyniku byli likvidavanyja izrailskija pasieliščy ŭ siektary Haza. U vieraśni 2005 hoda hetuju terytoryju pakinuli apošnija padraździaleńni CACHAŁ, dadaje lenta.ru.
Kamientary