U Homieli student upieršyniu abaraniŭ dypłom inžyniera pa-biełarusku FOTY
Andrej Hrabiančuk pradstaviŭ sučasnuju sistemu kiravańnia hazavaj błokavaj harełki dla katłaahrehata.
Upieršyniu za 45-hadovuju historyju Homielskaha dziaržaŭnaha techničnaha ŭniviersiteta imia P. Suchoha adbyłasia abarona dypłomnaha prajekta, całkam raspracavanaha na biełaruskaj movie.
Student zavočnaj skaročanaj formy navučańnia śpiecyjalnaści «Pramysłovaja elektronika» Andrej Hrabiančuk u atačeńni čarciažoŭ, vykananych na rodnaj movie, całkam pa-biełarusku pradstaviŭ pierad kamisijaj raspracavanuju sučasnuju sistemu kiravańnia hazavaj błokavaj harełki dla katłaahrehata
i prademanstravaŭ jaje rabotu na realnaj prahramna-aparatnaj madeli.
Andrej, jaki pracuje na pasadzie ślesara kantrolna-vymiaralnych pryładaŭ AAT «Rečycki mietyzny zavod», pryznajecca, što jamu pryjemna razmaŭlać na rodnaj movie, ale, na žal, nie zaŭsiody jon maje takuju mahčymaść:
– Uvohule davoli mała tych, chto razmaŭlaje pa-biełarusku, – dzielicca Andrej – Prynamsi, u mianie takoje žadańnie isnavała ŭžo daŭno.
Va ŭmovach nievytłumačalna redkaha ŭžyvańnia rodnaj movy na aficyjnym uzroŭni i ŭ srodkach masavaj infarmacyi našaj krainy prychodziłasia nie adnojčy źviartacca da słoŭnikaŭ, da litaraturnych tvoraŭ, kab udaskanalvać svaje viedy i razmoŭny dośvied.
Na ščaście, u svoj čas na pracy ja paznajomiŭsia z čałaviekam, jaki mieŭ padobnuju cikavaść. Pamiž saboju my razmaŭlali pa-biełarusku. I tamu paźniej mnie vielmi pryjemna było sustreć adnadumcaŭ i ŭ našym ŭniviersitecie.
Prapanavaŭ Andreju abaraniać dypłom na biełaruskaj movie jaho kiraŭnik – zahadčyk kafiedry Juryj Kryšnioŭ, jaki razmaŭlaje ŭžo doŭhi čas tolki na rodnaj movie i pa svajoj ułasnaj inicyjatyvie vykładaje na joj techničnyja dyscypliny
studentam. Mienavita jon dapamoh Andreju i ŭ pravilnaj traktoŭcy častki admysłovaj terminałohii dypłomnaha prajektu.
U niekatorych vypadkach im prychodziłasia razam źviartacca da redkich techničnych słoŭnikaŭ admysłovych terminaŭ aŭtamatyki i elektroniki, z toj pryčyny, što ŭ zvyčajnych słoŭnikach adpaviednyja vuzkaśpiecyjalizavanyja techničnyja terminy adsutničali abo davalisia ŭ sproščanym vyhladzie.
I ŭ zaklučeńni treba dadać, što
biełaruskamoŭnamu studentu ŭsie biez vyklučeńnia ŭdzielniki kamisii pastavili adznaku «10», što byvaje davoli redka.
Apytanka
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary