Paśla sustrečy lidaraŭ biełaruskaj apazicyi z ambasadaram Izraila Iosifam Šahałam, na jakoj abmiarkoŭvałasia tema biełaruskich palitviaźniaŭ, budzie apublikavany aficyjny miemarandum.
Razmova doŭžyłasia bolš za dźvie hadziny. Izrailskaje pasolstva nie dało mahčymaści karespandentu Svabody paprysutničać na sustrečy.
Paśla taho, jak jana skončyłasia, jaje ŭdzielniki ź biełaruskaha boku zaznačyli, što Iosif Šahał tak i nie vybačyŭsia za svaje słovy ŭ intervju izrailskamu telebačańniu ab tym, što biełaruskija palitviaźni nibyta źjaŭlajucca kryminalnikami. Jon tolki vykazaŭ škadavańnie, što traktoŭka jahonych vykazvańniaŭ pryniesła bol siemjam źniavolenych apanientaŭ Łukašenki.
Pavodle Alaksandra Milinkieviča, u miemarandumie, jaki budzie apublikavany pa vynikach sustrečy, budzie vykazanaje škadavańnie z pryčyny taho, što vykazvańni ambasadara Izraila byli «niapravilna interpretavanyja ŭ presie».
Uładzimir Niaklajeŭ pierakanany, što Šahał pryznaje najaŭnaść u Biełarusi palitviaźniaŭ z punktu hledžańnia ES, ZŠA i inšych demakratyčnych krain, u tym liku Izraila, adnak padkreślivaje, što z punktu hledžańnia biełaruskaha zakanadaŭstva jany zasudžanyja pavodle kryminalnych artykułaŭ.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary