11 lutaha ŭ filijale Nacyjanalnaha histaryčnaha muzieja Respubliki Biełaruś «Domie-muziei I źjezda RSDRP» pačała pracu vystava «Ampirny Minsk. Šlachieckaja historyja.», padrychtavanaja sumiesna z muzyčna-histaryčnym prajektam «DouxSouvenir«.
XIX stahodździe — čas bałaŭ, vytančanych manier i ramantyki. Mienavita tak siońnia bačycca nam 200-hadovaje minułaje. A ŭsio tamu, što ŭ pačatku stahodździa, u pieryjad praŭleńnia impieratara Napaleona I, u Francyi paŭstaŭ styl ampir (ad fr. Empire style – «impierski styl»). Jon raźvivaŭsia na praciahu troch pieršych dziesiacihodździaŭ XIX stahodździa, ale pakinuŭ nieabsiažnuju spadčynu: heta i architektura vysokaha (poźniaha) kłasicyzmu, akademičny žyvapis, francuzskija ramansy i lohkija žanočyja sukienki z vysokaj talijaj.
Vystava «Ampirny Minsk. Šlachieckaja historyja» prapanuje hledačam kalekcyju balnych strojaŭ epochi ampir, vajskovyja mundziry i cyvilnuju vopratku, a taksama pradmiety pobytu časoŭ «Pana Tadevuša».
Akramia taho Vy ŭbačycie plon tvorčaści kalektyvu «Doux Souvenir» — afišy i prahramki z vystupaŭ, kružełki, noty, knihi z podpisam aŭtara, fotazdymki i rečy z ŭłasnych kalekcyj udzielnikaŭ prajekta.
Na vystavie budzie pradstaŭleny fotaprajekt Hanny Juchnaviec «Tradycyi ŭ sučasnaści», dzie praz tematyčnyja fotakałažy aŭtar pieradaje svajo staŭleńnie da šlachietnaj epochi XIX st.
Dom-muziej I źjezda RSDRP (pr-t Niezaležnaści, 31A). Kožny dzień z 11.00 da 19.00, teł.dla daviedak: 290-68-47
Kamientary