13-16 sakavika ŭ niamieckim Lajpcyhu projdzie adna z samych vialikich i važnych dla Jeŭropy knižnych vystavaŭ. Užo druhi hod zapar na vystavie budzie dziejničać biełaruski stend.
«Meta stenda — raźbić zakaścianiełyja stereatypy i adnavić sastarełuju infarmacyju adnosna našaj krainy i jaje kulturnych nabytkaŭ, a taksama zacikavić zamiežnych vydaŭcoŭ i kniharoŭ novymi imionami biełaruskaj litaratury», — adznačajuć arhanizatary.
Na stendzie budzie pradstaŭleny prafiesijna zrobleny anhłamoŭny katałoh Books from Belarus/»Knihi ź Biełarusi». Karotkaja infarmacyja pra apošnija tvory Natałki Babinaj, Uładzimira Niaklajeva, Barysa Piatroviča, Viktara Marcinoviča, Jevy Viežnaviec i inšych. Katałoh zrobleny śpiecyjalna dla inšaziemnych vydaŭcoŭ i litaraturnych ahientaŭ, jakija cikaviacca novymi litaraturami.
U pracy stenda voźmuć udzieł pradstaŭniki Sajuza biełaruskich piśmieńnikaŭ, «Litaraturnaha Doma «Łohvinaŭ» i moładzievaha internet-časopisa 34mag.net. Pradstaŭlać biełaruskuju litaraturu budzie pieršy ŭ Biełarusi litaraturny ahient Darja Vaškievič.
Raskład biełaruskich vystupaŭ u Lajpcyhu:
13 sakavika. Forum OstSudOst, Hall 4, E505
12:30 «Pieršaja suśvietnaja vajna na Ŭschodzie». Z udziełam historyka Uładzimira Lachoŭskaha.
14:00 «Sučasnaja fatahrafija Biełarusi». Z udziełam fotamastakoŭ Andreja Lankieviča i Alaksandry Sałdatavaj.
14 sakavika
8:00 «Pieršaja suśvietnaja: zabytaja litaraturaj vajna». Z udziełam pierakładčycy Viery Dziadok. Ut Connewitz, Wolfgang-Heinze-Strasse 12a.
11:30 «pARTyzan. Jak mastactva dapamahaje stvarać Biełaruś». Z udziełam Artura Klinava, a taksama niamieckaha pierakładčyka biełaruskaj litaratury Tomasa Vajlera i aŭstryjskaha biełarusaznaŭcy Marcina Połaka. Forum OstSudOst, Hall 4, E505
13:00 «Pravica ŭźniała hałavu». Z udziełam palitołaha i eseista Jana Maksymiuka i ŭkrainskaha piśmieńnika Juryja Andruchoviča. Forum OstSudOst, Hall 4, E505
14:00 «Litaraturny rynak: raźvićcio i pierśpiektyvy». Z udziełam pierakładčycy i kulturnaj menedžerki Iryny Hierasimovič, a taksamy vydaŭca biełaruskaj litaratury ŭ Niamieččynie Kataryny Raabe.Forum OstSudOst, Hall 4, E505
15:00 «Biełaruś u fokusie». Z udziełam litaratarak Viery Burłak i Maryi Martysievič,a taksama pierakładčyka Tomasa Vajlera. Forum OstSudOst, Hall 4, E505
15 sakavika
14:00 «Ruskamoŭnaja litaratura va Ŭkrainie i Biełarusi». Z udziełam eseista Jana Maksymiuka i Viery Burłak. Forum OstSudOst, Hall 4, E505
20:30 Paetyčnyja čytańni «Saturn. Čornyja malunki siamji Hoi». Z udziełam Viery Burłak. Polski Instytut u Lajpcyhu, Markt 10.
Kamientary