Amierykanskija vajskoŭcy hatovyja padtrymać svaich sajuźnikaŭ u Jeŭropie i akazać padtrymku Ukrainie. ZŠA pasyłajuć vyrazny sihnał Rasii, što hatovyja adkazać na pahrozu.
Pra heta zajaviŭ kiraŭnik Abjadnanaha kamiteta načalnikaŭ štaboŭ ZŠA hienierał Marcin Dempsi, paviedamlaje sajt Atłantyčnaj rady.
Dempsi adznačyŭ, što amierykanskija dypłamaty pracujuć kruhłasutačna, kab urehulavać situacyju z zachopam Rasijaj ŭkrainskaha Kryma.
Hienierał skazaŭ, što jon razmaŭlaŭ z vajennymi kalehami z Rasii, i padaŭ vyrazny sihnał Ukrainie i siabram NATO, što ZŠA hatovyja «adkazać vajskoŭcami ŭ vypadku nieabchodnaści».
«My sprabujem skazać (Rasii) nie nahniatać situacyju dalej va Uschodniaj Ukrainie, i dazvolić stvaryć umovy dla ŭrehulavańnia situacyi ŭ Krymie», — padkreśliŭ Dempsi.
«Heta pytańnie, jakoje zasłuhoŭvaje taho, kab jaho acanili i razhladali ŭ adpaviednaści z raźvićciom padziej», — skazaŭ amierykanski vajenny na pytańnie, ci jość vierahodnaść vajennaha ŭmiašańnia ZŠA va ŭmovach kryzisu.
«U nas jość dahavornyja abaviazacielstvy z našymi sajuźnikami pa NATO. I ja zapeŭniŭ ich, što, kali heta abaviazacielstva budzie zadziejničana (u Jeŭropie), my adkažam», — skazaŭ Dempsi.
Jon papiaredziŭ, što ŭvarvańnie rasijskich vajskoŭcaŭ u Krym stvaraje ryzyki dla ŭsich krain Jeŭropy i sajuźnikaŭ pa NATO.
«Kali Rasija maje prava zrabić heta … uvajści ŭ suvierennuju krainu pad padstavaj abarony etničnych rasiejcaŭ va Ukrainie, heta stvaraje ryzyki dla Jeŭropy ŭ miescach, dzie jość etničnyja ankłavy», — paviedamiŭ hienierał.
Kamientary