Амерыканскія вайскоўцы гатовыя падтрымаць сваіх саюзнікаў у Еўропе і аказаць падтрымку Украіне. ЗША пасылаюць выразны сігнал Расіі, што гатовыя адказаць на пагрозу.
Пра гэта заявіў кіраўнік Аб'яднанага камітэта начальнікаў штабоў ЗША генерал Марцін Дэмпсі, паведамляе сайт Атлантычнай рады.
Дэмпсі адзначыў, што амерыканскія дыпламаты працуюць кругласутачна, каб урэгуляваць сітуацыю з захопам Расіяй ўкраінскага Крыма.
Генерал сказаў, што ён размаўляў з ваеннымі калегамі з Расіі, і падаў выразны сігнал Украіне і сябрам НАТО, што ЗША гатовыя «адказаць вайскоўцамі ў выпадку неабходнасці».
«Мы спрабуем сказаць (Расіі) не нагнятаць сітуацыю далей ва Усходняй Украіне, і дазволіць стварыць умовы для ўрэгулявання сітуацыі ў Крыме», — падкрэсліў Дэмпсі.
«Гэта пытанне, якое заслугоўвае таго, каб яго ацанілі і разглядалі ў адпаведнасці з развіццём падзей», — сказаў амерыканскі ваенны на пытанне, ці ёсць верагоднасць ваеннага ўмяшання ЗША ва ўмовах крызісу.
«У нас ёсць дагаворныя абавязацельствы з нашымі саюзнікамі па НАТО. І я запэўніў іх, што, калі гэта абавязацельства будзе задзейнічана (у Еўропе), мы адкажам», — сказаў Дэмпсі.
Ён папярэдзіў, што ўварванне расійскіх вайскоўцаў у Крым стварае рызыкі для ўсіх краін Еўропы і саюзнікаў па НАТО.
«Калі Расія мае права зрабіць гэта … увайсці ў суверэнную краіну пад падставай абароны этнічных расейцаў ва Украіне, гэта стварае рызыкі для Еўропы ў месцах, дзе ёсць этнічныя анклавы», — паведаміў генерал.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі31
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары