Na zamovu francuzskaha akciora Žerara Depardjo šviejcarskaja kampanija Cvstos vyrabiła ekskluziŭnuju sieryju hadzińnikaŭ pad nazvaj «Hanarusia być ruskim» (Proud to be Russian), pieradaje ahienctva Frans Pres.
Na svajoj staroncy ŭ Facebook kampanija raźmiaściła fota akciora, na zapiaści jakoha nadziety čorny hadzińnik z vyjavaj dvuchhałovaha arła. Taksama akcior apranuty ŭ čornuju kurtku z rasijskim hierbam.
Spraviadliva budzie adznačyć, što rekłama hadzińnika u FB sa słohanam «Hanarusia być ruskim» źjaviłasia až 6 sakavika, h.zn. za 10 dzion da sumna viadomaha refierendumu ŭ Krymie.
Paviedamlajecca, što dvuchhałovy aroł na hadzińnikach vykanany z zołata. Košt ekskluziŭnych hadzińnikaŭ nie paviedamlajecca.
U kancy 2012 hoda Depardjo byŭ aburany płanami ŭrada Francyi pavialičyć «padatak dla bahatych» da 75 %, kupiŭ dom na paŭdniovym zachadzie Bielhii, adnak zachavaŭ francuzskaje hramadzianstva. Letaś akcior atrymaŭ rasijski pašpart i pastajannuju rehistracyju ŭ stalicy Mardovii Saransku, i jašče praz paru dzion kiraŭnik Čečni Ramzan Kadyraŭ uručyŭ jamu dakumienty na piacipakajovuju kvateru i paśviedčańnie hanarovaha hramadzianina Čečenskaj respubliki.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary