Były konsuł Biełarusi ŭ Miłanie staŭ adnym ź mieniedžaraŭ Alimpijady
Adstaŭny biełaruski dypłamat Kirył Blincoŭ, jaki «syšoŭ z MZS jašče da taho, jak heta modnym» (jak heta napisana ŭ jahonych sacsietkach), atrymaŭ kirujučuju pasadu ŭ dyrekcyi zimovych Alimpijskich hulniaŭ — jon apieracyjny mieniedžar u hałoŭnym miedyjacentry.
Pra novuju rabotu były konsuł Biełarusi ŭ Miłanie Kirył Blincoŭ paviedamiŭ u svaim Linkedin. Jon raskazaŭ, što pačaŭsia novy etap jaho žyćcia — jon trapiŭ u kamandu Fundazione Milano Cortina 2026 (arhanizatara zimovych Alimpijskich hulniaŭ 2026) jak apieracyjny mieniedžar u hałoŭnym miedyjacentry.
Blincoŭ dadaŭ, što ź jaho pieršaha dnia ŭ Italii jon maryŭ dałučycca da arhanizacyi vialikaj spartyŭnaj padziei, a dva apošnija miesiacy — intensiŭna rychtavaŭsia.
Jon taksama adznačyŭ inšych spartyŭnych čynoŭnikaŭ, jakija dapamahli jamu «adčynić hetyja dźviery», i padziakavaŭ im za davier.
Blincoŭ pačynaŭ rabotu MZS u 2010-ja, byŭ konsułam Biełarusi ŭ Miłanie, pracavaŭ u dyrekcyi Jeŭrapiejskich hulniaŭ i ŭ pryvatnych kampanijach.
Pa infarmacyi «Našaj Nivy», paśla padziej 2020 hoda Blincoŭ nie žyvie ŭ Biełarusi, ale nie źviazany z apazicyjnymi ruchami. U dzień napadzieńnia Rasii na Ukrainu Kirył apublikavaŭ u svaim fejsbuku žoŭtaje pole pad błakitnym niebam.
«Naša Niva» — bastyjon biełaruščyny
PADTRYMAĆCiapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie27
Kamientary