Pa śladach abvieščanaj niadaŭna ŭ fejsbuku akcyi bajkotu rasijskim tavaram pajšli stvaralniki staronki «Nie daj russkomu», jakaja zaklikaje žančyn da seks-embarha ŭ adnosinach da rasiejcaŭ.
Kampanija «Nie daj rasiejcu» maje svoj aficyjny łahatyp: dźvie składzienyja dałoni, jakija formaju nahadvajuć vahinu. Na aficyjnych kašulkach kampanii, akramia hetaha łahatypu i nadpisu «Nie daj russkomu» znachodzicca jašče radok ź vierša «Kaciaryna» Tarasa Šaŭčenki z 1838 hoda: «Kochajtiesia, čornobrvi, ta nie z moskalami».
Kampanija «Nie daj rasiejcu» vyklikaje nieadnaznačnyja reakcyi i čaściakom słužyć pryčynaj dla hrubych seksisckich žartaŭ, ale ideja seks-bajkotu ŭ suviazi z anieksijaj Kryma imhnienna pašyrajecca ŭ sacyjalnych sietkach.
Ideja seks-bajkotu ŭ historyi litaratury viadomaja amal ad 2,5 tysiačy hadoŭ. Siužet viadomaj kamiedyi «Lisistrata» kamiedyjohrafa Arystafana z V stahodździa da našaj ery pabudavanaja jakraz vakoł takoha seks-embarha, jakoje hračanki abjavili svaim mužam-vajaram, kab zakončyć kryvavuju mižusobicu pad nazvaj Piełapanieskaj vajny.
Kamientary