Fanata FK BATE sudziać za majki na biełaruskaj movie?
Siońnia ŭ sudzie horada Barysava na 14.30 byŭ pryznačany razhlad administracyjnaj spravy fanata barysaŭskaha futbolnaha kłuba Alaksandra Marozava.
Junak sa svajoj dziaŭčynaj viartaŭsia 25 sakavika z Hrodna dadomu ciahnikom. Kala hadziny nočy na barysaŭskim vakzale jaho pierastreli čatyry supracoŭniki milicyi i zatrymali. Da sudu jon byŭ źmieščany ŭ izalatar, dzie pravioŭ noč i ŭčorašni dzień.
Marozaŭ vioz z saboju fanackuju atrybutyku i niekalki majek z nadpisam «Asobny atrad BNR». U čym kankretna abvinavačvajuć fanata, pakul nieviadoma.
Całkam mahčyma, što heta krychu zapoźnienaja pomsta za padtrymku futbolnymi fanatami BATE Jeŭramajdana ŭ Kijevie. Viadoma, što Alaksandr Marozaŭ źjaŭlajecca adnym ź lideraŭ fanackaha ruchu Barysava.
«Padobnaja forma ŭździejańnia na našych fanaŭ davoli raspaŭsiudžanaja, — paviedamiła karespandentu NN krynica z kalafutbolnaha ruchu. — Zakryć čałavieka na sutki, a paśla skłaści pratakoł, pa jakim śviedkami buduć vyklučna supracoŭniki milicyi — užo kłasika žanru. Zvyčajna ŭsie abvinavačanyja «łajucca matam» i «parušajuć pravaparadak».
Pa apošniaj infarmacyi, Marozaŭ atrymaŭ 5 sutak aryštu.
Kamientary