UEFA na aficyjnym sajcie abviaściŭ stvareńnie novaha turniru dla nacyjanalnych zbornych — Lihi nacyj. Za stvareńnie novaha turniru prahałasavali ŭsie 54 členy UEFA.
Spabornictvy, jakija pačnuć pravodzić paśla 2018 hoda, pavinny zamianić saboj tavaryskija matčy.
Dakładny farmat turniru jašče nie vyznačany. Viadomy papiaredni farmat samaha pieršaha turniru, jakija projdzie z 2018 pa 2019 hady.
Nacyjanalnyja zbornyja pavodle rejtynhu buduć raźmierkavanyja na čatyry hrupy.
Ź vieraśnia pa listapad 2018 zbornyja praviaduć matčy papiaredniaha turniru, pa vynikach jakoha ŭ nastupny raŭnd projduć pieramožcy kožnaj z hrup. Hetyja čatyry kamandy viasnoj 2019 i razyhrajuć pieramohu ŭ Lizie nacyj.
Akramia taho, Liha nacyj źviazana z adboračnym turniry čempijanatu Jeŭropy 2020 hoda.
Čatyry kamandy, jakija nie zdoleli trapić na Jeŭra praz adboračny turnir, atrymajuć pucioŭki na kantynientalnaje pieršynstvo pa vynikach Lihi nacyj.
U paviedamleńniach UEFA adznačajecca, što Liha nacyj pavinna «dapamahčy padniać ŭzrovień i prestyž futboła siarod nacyjanalnych zbornych, zachoŭvajučy pry hetym bałans pamiž futbołam siarod kłubaŭ i zbornych».
-
Adzin trenier pracuje na Alimpijadzie adrazu z 16‑ciu fihurystami z 13‑ci krain. Tolki paśpiavaj pieraapranacca
-
Frańja fon Almien staŭ trochrazovym alimpijskim čempijonam
-
Uładalnik «MŁ Viciebsk» pra mety kłuba: Vyjhrać čempijanat, Kubak i Supierkubak, a taksama prajści ŭ hrupavy etap adnaho ź jeŭrakubkaŭ
Kamientary