Finansavanyja z Maskvy bajeviki napierad damovilisia ab prysutnaści žurnalistaŭ rasijskaha TV.
Słužba biaśpieki Ukrainy (SBU) zatrymała ŭ centry Kijeva adnaho ź lidaraŭ Jeŭrazijskaha sajuza moładzi Rasii.
Zhodna z paviedamleńniem SBU, jon rychtavaŭ hrupu asob dla zachopu Viarchoŭnaj Rady i Kabinieta ministraŭ.
«Supracoŭniki SBU spynili niezakonnyja dziejańni A.Bachtyjarava, jaki rychtavaŭ hrupu asob pad vyhladam hramadskich aktyvistaŭ dla złačynnaha zachopu Viarchoŭnaj Rady Ukrainy i Kabinieta Ministraŭ Ukrainy», — havorycca ŭ paviedamleńni.
Jak udakładnili ŭ SBU, Bachtyjaraŭ pryciahnuŭ da svajho złačynnaha namieru da 200 čałaviek, vydaŭ hrašovaje ŭznaharodžańnie, arhanizavaŭ vyrab «kaktejlaŭ Mołatava», nabyćcio bitaŭ, rassoŭnych drabin i inšych pryład dla šturmu ŭradavych budynkaŭ.
Bachtyjaraŭ paabiacaŭ udzielnikam šturmu hrašovuju ŭznaharodu da 500 dalaraŭ ZŠA kožnamu.
Pavodle zadumy, šturm mieŭ destabilizavać situacyju ŭ Ukrainie i sarvać prezidenckuju vybarčuju kampaniju.
Dla aśviatleńnia šturmu parłamienta i Kabmina Bachtyjaraŭ napierad damoviŭsia z asobnymi rasijskimi telekanałami ab videazdymcy pravakacyi.
Supracoŭniki SBU kanfiskavali ŭ złamyśnikaŭ «kaktejli Mołatava».
Prachodziać dopyty.
Raniej Słužba biaśpieki Ukrainy zatrymała «na haračym» kapitana KDB samaabvieščanaj Prydniastroŭskaj Małdaŭskaj Respubliki.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary