Bžezinski: Zachad pavinien akazać vajennuju dapamohu Ukrainie
Rasieju spynić tolki vajennaje ŭmiašańnie krain Zachadu. Dziaržavy zachodniaha śvietu pavinny akazać uzbrojenuju padtrymku ŭkraincam u baraćbie z Rasiejskaj Fiederacyjaj, jakaja nie pakidaje sprobaŭ zachopu čarhovych rehijonaŭ Ukrainy.
Takoje mierkavańnie vykazaŭ były daradca prezidenta ZŠA i viadomy amierykanski analityk Źbihnieŭ Bžezinski u efiry SNN.
«Rasieja śćviardžaje, što heta paŭstańnie ludziej, a ŭ rečaisnaści praviaraje, ci moža zachapić hetuju terytoryju bieź vialikaha supraćstajańnia i praciahvać kazać, što hety rehijon sam adłučyŭsia ad Ukrainy», - skazaŭ jon.
«Ja baču nievierahodnaje padabienstva pamiž tym, što adbyłosia niekalki tydniaŭ tamu ŭ Krymie, i zaraz na ŭschodzie. Hrupy bandytaŭ u formie biez apaznavalnych znakaŭ źjaŭlajucca niečakana i vyhladajuć praktyčna hetak ža, jak tyja ŭ Krymie, i ŭ niekalkich haradach na ŭschodzie sprabujuć zrabić toje ža, što tam», - adznačyŭ analityk.
Bžezinski adznačyŭ, što ŭ vypadku supraćstajańnia rasiejcy płanujuć uvieści vojski, skancentravanyja na miažy z Ukrainaj, i adznačyŭ, što dalejšaje raźvićcio padziej budzie vielmi zaležać ad samich ukraincaŭ.
Pavodle jaho słoŭ, biez supraćstajańnia Rasieja zrobić z čarhovymi ŭkrainskimi rehijonami toje ž, što z Krymam, i Zachad u takim vypadku nie budzie aktyŭna ŭmiešvacca ŭ spravy.
«Kali vyrašać akazvać supraciŭ, to praŭdapadobna jany buduć prajhravać krok za krokam, ale kali hety supraciŭ praciahniecca, to Zachad - padabajecca jamu heta ci nie - budzie pad vialikim hramadskim ciskam, kab akazać im dapamohu», - skazaŭ jon.
Bžezinski zaklikaŭ jak maha chutčej pra heta aficyjna prainfarmavać ukraincaŭ, tamu što heta taksama zmoža pamienšyć šancy na ŭzbrojeny kanflikt.
«Kali prainfarmujem ich pra heta zahadzia, to vielmi praŭdapadobna, što ŭkraincy paŭstanuć suprać Rasiei, a kali rasiejcy buduć heta viedać, to dvojčy padumajuć pierad tym, jak adpravicca ŭ vialikuju kampaniju», - skazaŭ analityk.
Bžezinski taksama pravioŭ paraleli z padziejami va Ukrainie z supraćstajańniem ZŠA i Rasiei ŭ Vjetnamie.
«Dastatkova padumać pra Vjetnam. My tam stracili tysiačy ludziej, ale chto ŭzbrojvaŭ vjetnamcaŭ? Rasiejcy. Jany nie bačyli ŭ hetym ničoha drennaha, tamu što bačyli ŭ hetym svoj hieapalityčny intares», - zaŭvažyŭ jon.
«Liču, što ŭ vypadku Ukrainy my možam być aktyŭnyja ŭłasna ŭ takim vymiareńni», - dadaŭ jon.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary