Pierastrełka vybuchnuła ŭ vielikodnuju noč na adnym z błokpastoŭ kala zaniataha prarasijskimi bajevikami horada Słaviansk u Danbasie. Troje bajevikoŭ zahinuła, troje paranieny. Zhareli dva aŭtamabili.
Rasijskija ŚMI abvinavacili ŭ napadzie «Pravy siektar» — ukrainskuju nacyjanalistyčnuju arhanizacyju. I sam «Pravy siektar», i Słužba biaśpieki Ukrainy takuju viersiju adchilajuć. U Danbasie Pravaha siektara prosta nie isnuje. A ŭradavyja siły abviaščali ab prypynieńni antyterarystyčnaj apieracyi na čas Vialikadnia.
«Vyśvietlena, što hetaj nočču ŭ Słaviansku nie było nivodnaj arhanizacyi, akramia samich dyviersantaŭ i pradstaŭnikoŭ kryminalitetu, jakich padtrymlivajuć i ŭzbrojvajuć aficery HRU HŠ VS RF. Heta paćviardžajuć apieratyŭna-śledčyja dziejańni, jakija ažyćciaŭlajuć na miescy pravaachoŭnyja orhany Ukrainy», — adznačyli ŭ pres-centry Słužby biaśpieki Ukrainy.
U śpiecsłužbie taksama abvierhli infarmacyju niekatorych rasijskich ŚMI, jakija zapeŭnivajuć, što ŭ incydencie nibyta ŭdzielničali pradstaŭniki «Pravaha siektara».
Pa dadzienych SBU, u vyniku insceniroŭki vonkavaha napadu na błokpost ŭ Słaviansku i rasstrełu niekalkich aŭtamabilaŭ zahinuli ludzi.
Pavodle MUS Ukrainy, siońnia nočču ŭ Słaviansku padčas pierastrełki pamiž dźviuma hrupami hramadzian jość zabityja i paranienyja. Pavodle Danieckaj milicyi, napad ździejśniła hrupa z 12 čałaviek, jakija pryjechali z boku Charkaŭskaj vobłaści na čatyroch aŭtamabilach.
«U horadzie Słaviansku Danieckaj vobłaści 20 krasavika kala 3.00 na błokpoście pamiž dźviuma hrupami hramadzian adbyłasia ŭzbrojenaja sutyčka. Paciarpiełyja špitalizavany», — havorycca ŭ paviedamleńni MUS.
Padrabiaznaści hetaha incydentu ŭdakładniajucca.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary