Biełaruś nie budzie błakiravać padpisańnie dahavora ab stvareńni Jeŭrazijskaha ekanamičnaha sajuza (JEAES), zajaviŭ Alaksandr Łukašenka, adkazvajučy 9 maja na pytańni žurnalistaŭ paśla cyrymonii ŭskładańnia viankoŭ da manumienta Pieramohi ŭ Minsku.
Jon zaznačyŭ, što tyja pytańni, pa jakich lidaram Biełarusi, Kazachstana i Rasii nie ŭdałosia damovicca na samicie ŭ Minsku 29 krasavika, «byli vyniesienyja za dužki» i vyrašajucca na dvuchbakovaj asnovie.
«My ŭčora ŭ dvuchbakovym farmacie praktyčna ŭrehulavali ŭsie našy pytańni, — cytuje Łukašenku dziaržaŭnaje ahienctva BiełTA. — Ja daručyŭ uradu zaraz samym starannym čynam prapracavać usie kirunki hetaha dahavora, kab užo kančatkova da 29 maja mieć jasnaje ŭjaŭleńnie, što my padpisvajem, jak my padpisvajem, što my budziem mieć ad hetaha ekanamičnaha sajuza, jakija pierśpiektyvy».
«Sioje-toje tam adnosicca na niekalki hadoŭ, až da dziesiaci hadoŭ, — dadaŭ kiraŭnik dziaržavy. — Heta, viadoma, drenna, heta nie naša pazicyja. Vy našu pazicyju viedajecie: biez vyklučeńniaŭ i abmiežavańniaŭ my pavinny budavać ekanamičny sajuz. Našy partniory nie pa ŭsich pazicyjach, miakka skažam, da hetaha hatovy».
«My nie budziem błakiravać padpisańnie hetaha dahavora. Kali nie možam zrabić vialiki krok, to tady maleńkimi krokami treba iści napierad, my zychodzim z hetaha», — padkreśliŭ Łukašenka.
Dvuchbakovyja pieramovy Alaksandra Łukašenki z prezidentam Rasii Uładzimiram Pucinym prajšli 8 maja ŭ Maskvie, dzie biełaruski kiraŭnik znachodziŭsia z dvuchdzionnym rabočym vizitam. Nastupnaja ich sustreča pavinna adbycca 29 maja ŭ Astanie ŭ farmacie mytnaj «trojki». Da hetaha času pavinna być zavieršanaja dapracoŭka ŭsich niuansaŭ dahavora ab stvareńni JEAES, jaki budzie padadzieny na padpisańnie prezidentam.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary