V.a. prezidenta Ukrainy Alaksandr Turčynaŭ zajaviŭ, što paprosić razhledzieć pytańnie ab zabaronie Kampartyi Ukrainy jak datyčnaj da sieparatysckaj dziejnaści. Pra heta jon skazaŭ padčas pasiadžeńnia Viarchoŭnaj Rady.
Takim čynam jon adreahavaŭ na vystup lidara partyi Piatra Simanienki, jaki abvinavaciŭ ułady ŭ arhanizacyi raźni ŭ Adesie, paraŭnaŭšy jaje ź inkvizicyjaj, abazvaŭ pravaachoŭnikaŭ z zachodnich abłaściej i Nachvardyju «hałavarezami» dy zajaviŭ, što jany nibyta rasstralali «mirnuju demanstracyju ŭ Maryŭpali».
U adkaz śpikier paprasiŭ vyklučyć mikrafon Simanienku i zajaviŭ, što pazbaŭlaje jaho słova.
«U Maryupali złačyncy-terarysty napali na ŭpraŭleńnie ŭnutranych spraŭ, zabivali milicyjanieraŭ i mienavita ich abaraniła rota desantnikaŭ!» — rastłumačyŭ Turčynaŭ, nazvaŭšy Simanienku chłusam.
«Chłusu nie miesca ŭ parłamiencie!.. Idzicie brachać u inšaje miesca!» — skazaŭ jon u adkaz na zaŭvahu niezadavolenych kamunistaŭ.
Pa słovach v.a. prezidenta, jaho ŭraziŭ cynizm KPU.
«Simanienka paŭtaraje chłuśniu i prapahandu, jakija raspaŭsiudžvajuć rasijskija srodki masavaj infarmacyi, u tym liku i na Zachad. Heta cyničnaja chłuśnia!» — aburyŭsia Turčynaŭ.
«Ja budu źviartacca ŭ Ministerstva justycyi, jość vielmi šmat materyjałaŭ ab saŭdziele Kamunistyčnaj partyi ŭ arhanizacyi terarystyčnaj i sieparatysckaj dziejnaści», — zajaviŭ jon.
«Ja b prasiŭ Ministerstva justycyi razhledzieć hetaje pytańnie i pry najaŭnaści dokazaŭ padać u sud materyjały ab zabaronie Kampartyi Ukrainy», — skazaŭ v.a. prezidenta.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary