Mitrapalit: U Biełarusi dahetul zastaŭsia śled raniejšaj, ateistyčnaj, ułady
U relihijnych adnosinach Biełaruś pakul što nie pazbaviłasia ad nastupstvaŭ savieckaj ułady, jakaja aficyjna prapahandavała ateizm. Takoje mierkavańnie na pres-kanfierencyi 13 maja ŭ Minsku vykazaŭ mitrapalit Pavieł.
Pavodle jaho słoŭ, «XX stahodździe i adbitak raniejšaj ułady dahetul prynosiać vyniki». Tak, šmatlikija biełarusy, skazaŭ pravasłaŭny ijerarch, da hetaha času nie znajomyja ź Jevanhiellem. «Śviataram, jepiskapatu jašče šmat treba zrabić, kab dać ludziam mahčymaść paznać, što takoje pravasłaŭnaja carkva i što jana prynosić ludziam», — adznačyŭ uładyka.
Zadača Biełaruskaha ekzarchatu Ruskaj pravasłaŭnaj carkvy (BPC), pradoŭžyŭ mitrapalit Pavieł, zaklučajecca ŭ «jevanhielizacyi naroda». Heta, u svaju čarhu, zaklik da ludziej, kab jany «prysłuchalisia da hołasu Jevanhiella i pasprabavali žyć tak, jak vučyć sam Isus Chrystos».
U hetaj spravie pravasłaŭnaja carkva znajšła sajuźnika ŭ asobie dziaržavy. Mitrapalit Pavieł vykazaŭ ščyruju radaść «uzroŭniu ŭzajemadziejańnia», jaki siońnia ŭstanaviŭsia pamiž dziaržavaj i BPC.
«Ščyra raduje parazumieńnie z boku kiraŭnictva krainy i, u pryvatnaści, prezidenta Biełarusi, — padkreśliŭ jon. — Čałaviek, jaki trymaje ruku na pulsie, viedaje situacyju ŭ dziaržavie i stanovišča ŭ carkvie. Siońnia my ŭsio dobra razumiejem, što supraćstajańnie nie daje nijakich šansaŭ na dobraje, prystojnaje, narmalnaje i nabožnaje žyćcio. Supracoŭnictva zaŭsiody prynosić dobry plon».
«Maja zadača — praciahvać heta supracoŭnictva», — zaklučyŭ uładyka.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy13
Kamientary