Miedžlis admianiŭ masavyja akcyi ŭ Simfieropali na hadavinu departacyi
17 i 18 maja ŭ centry Simfieropala nijakich masavych akcyj z nahody 70-j hadaviny departacyi krymskatatarskaha naroda nie budzie.
Takoje rašeńnie pryniaŭ Miedžlis ŭ chodzie pazačarhovaha pasiadžeńnia 17 maja.
Razam z tym na 18 maja zapłanavanyja žałobnyja mierapryjemstvy ranicaj u pasiołkach i vioskach, a z 11:00 da 13:00 u rajonnych centrach i haradach — u miescach, vyznačanych rehijanalnymi miedžlisami pa ŭzhadnieńni z kiraŭnikami miascovych savietaŭ.
U 13:00 u mikrarajonie Akmiačeć ŭ Simfieropali projdzie Usiekrymski žałobny malebien (dua), pryśviečany pamiaci achviar Departacyi krymskatatarskaha naroda.
Jak viadoma, raniej krymski premjer Aksionaŭ padpisaŭ rasparadžeńnie ab zabaronie masavych mierapryjemstvaŭ na terytoryi Krymu da 6 červienia ŭ suviazi z « napružanym stanoviščam na ŭschodzie Ukrainy».
Paźniej jon dazvoliŭ krymskim tataram pravieści 18 maja mitynh na musulmanskich mohiłkach.
Staršynia Miedžlisa Refat Čubaraŭ ŭ suviazi z zabaronaj ŭładami mitynhu vystupiŭ za praviadzieńnie žałobnych mierapryjemstvaŭ u miescach ich kampaktnaha pražyvańnia.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha30
Kamientary