U Rasii naličyli Ukrainie 4,5 młrd. dalaraŭ «doŭhu» za haz.
«Hazprom» pieravioŭ Ukrainu na pieradapłatu pastavak rasijskaha hazu. Pra heta paviedamili va ŭpraŭleńni infarmacyi kampanii.
«Siońnia z 10.00 pavodle maskoŭskaha času (09:00 pa Minsku) «Hazprom», u poŭnaj adpaviednaści ź dziejučym kantraktam, pieravioŭ NAK «Naftahaz Ukrainy» na pieradapłatu pastavak hazu», — havorycca ŭ paviedamleńni.
Rasija źvinavačvaje «Naftahaz Ukrainy» ŭ niepłaciažach. Śćviardžajecca, što praterminavanaja zapazyčanaść kampanii za pastaŭleny rasijski haz składaje 4,458 młrd dalaraŭ: 1,451 młrd dalaraŭ za listapad-śniežań 2013 hoda i 3,007 młrd dalaraŭ — za krasavik-maj 2014 hoda.
Ukraina piarečyć: cana na haz niaŭzhodnienaja, vystaŭlenaja pastaŭščykom adnabakova. Nie budzie płaciažoŭ, pakul nie budzie vyzančnaja cana na haz.
«Ź siońniašniaha dnia ŭkrainskaja kampanija atrymlivaje rasijski haz tolki ŭ apłačanych abjomach», — havorycca ŭ paviedamleńni.
Rasijskaja delehacyja 15 červienia pozna ŭviečary pakinuła hazavyja pieramovy, jakija praciahvalisia kala troch hadzin u Kijevie.
Imaviernaść pierakryćcia hazu ŭ takoj situacyi vielmi vysokaja.
Kamientary