Z-za «nieadpaviednaści ŭnutranym praviłam prajekta».
U 12 moŭnych raździełach Vikipiedyi apublikavanyja artykuły pra pieśniu «Pucin - ch*jło». Pa stanie na 16:20 aŭtorka takija artykuły dastupnyja na anhlijskaj, biełaruskaj (u abodvuch standartach - aficyjnym i kłasičnym), bałharskaj, vjetnamskaj, litoŭskaj, sierbskaj, tureckaj, ukrainskaj, francuzskaj, češskaj i estonskaj movach. U artykule na tureckaj movie «Pucin - ch*jło» nazvana «ukrainskaj narodnaj pieśniaj».
Raniej u aŭtorak artykuł prysutničaŭ i ŭ rasiejskim raździele encykłapiedyi, adnak nieŭzabavie jaho vydalili. Jak rastłumačyŭ Lentie.Ru vykanaŭčy dyrektar ruskaj Vikipiedyi Stanisłaŭ Kazłoŭski, pryčynaj vydaleńnia stała toje, što rasiejskamoŭny artykuł ujaŭlaŭ saboj nie encykłapiedyčny tekst, a «vykazvańni ananimnych udzielnikaŭ ab Ukrainie».
Miž tym anhłamoŭny artykuł Kazłoŭski nazvaŭ adpaviednym praviłam Vikipiedyi, bo ŭ im prysutničajuć spasyłki na aŭtarytetnyja krynicy, u pryvatnaści na hazietu The Guardian. Najaŭnaść ža ŭ tekście nienarmatyŭnaj leksiki nie źjaŭlajecca padstavaj dla vydaleńnia artykuła, zaŭvažyŭ vykanaŭčy dyrektar.
«U Vikipiedyi niama cenzury, - padkreśliŭ Kazłoŭski. - Artykuły vydalajucca nie z-za cenzurnych mierkavańniaŭ, a z-za nieadpaviednaści jakim-niebudź unutranym praviłam prajekta».
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary