Upraŭleńnie Śledčaha kamiteta pa horadzie Minsku ŭzbudziła kryminalnuju spravu ŭ dačynieńni da namieśnika hienieralnaha dyrektara pa vytvorča-techničnym zabieśpiačeńni i kamplektavańni ZAT «Minski zavod vinahradnych vin».
Pra heta paviedamiła aficyjny pradstaŭnik Śledčaha kamiteta Biełarusi Julija Hančarova.
Top-mieniedžar padazrajecca ŭ chabarnictvie. Śledstva vyjaviła, što namieśnik hiendyrektara MZVV, znachodziačysia ŭ svaim aŭtamabili ŭ Minsku, atrymaŭ chabar u pamiery $5 tys. za spryjalnaje vyrašeńnie pytańnia ab zaklučeńni i prałanhacyi damovaŭ transpartnaj ekśpiedycyi i pastavak syraviny.
Dziejańni padazravanaha kvalifikavanyja pa č. 2 art.430 (atrymańnie chabaru) Kryminalnaha Kodeksa Biełarusi. Padazravany zaklučany pad vartu. Śledčyja taksama nakłali aryšt na jaho aŭtamabil. Rasśledavańnie praciahvajecca.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary