Rasijskaja radyjostancyja «Ruskaje radyjo» zajaŭlaje ab poŭnym spynieńni jakich-kolviečy stasunkaŭ z ukrainskaj radyjostancyjaj «Ruskaje radyjo — Ukraina».
Pra heta havorycca ŭ aficyjnaj zajavie radyjostancyi «Ruskaje Radyjo».
«Rasijskaja radyjostancyja «Ruskaje radyjo» žorstka asudžaje dziejnaść «Ruskaha radyjo — Ukraina» pa zbory amunicyi dla ŭkrainskaj nacyjanalnaj armii», — skazana ŭ paviedamleńni.
U rasijskim «Ruskim Radyjo» zajavili, što nie majuć nijakich adnosinaŭ da zboru amunicyi dla vojska Ukrainy, paviedamlajuć podrobnosti.ua.
Jak napisaŭ na svajoj staroncy ŭ fb hiendyrektar «Ruskaha radyjo — Ukraina», naš ziamlak Siarhiej Kuzin, naohuł adnosinaŭ pamiž maskoŭskaj i ŭkrainskaj redakcyjaj faktyčna nie było hadoŭ ź piać, ale
u efiry radyjo prachodziła akcyja «Zachisti armiju, vona zachistiť tabie», pa ŭmovach jakoj kožnaja 10-ja hryŭna, atrymanaja ad rekłamy ŭ červieni,
była nakiravana na kuplu broniekamizelek i inšaj nieabchodnaj amunicyi dla ŭkrainskich vajskoŭcaŭ. «23 červienia my advieźli rečy, nabytyja na sabranuju sumu, u vučebny centr «Dziasna», dzie ciapier skančaje ahniavuju i taktyčnuju padrychtoŭku 25-y bataljon terytaryjalnaj abarony «Kijeŭskaja Ruś».
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary