U štab-kvatery Jeŭrapiejskaj fiederacyi handboła ŭ Vienie 27—28 červienia adbyłosia losavańnie kvalifikacyjnaha turniru mužčynskaj Lihi čempijonaŭ.
Biełaruś u hetym turniry pradstavić Brescki handbolny kłub imia Miaškova, jaki vyjhraŭ apošni čempijanat krainy.
U Breście raźličvali, što kłub trapić adrazu ŭ hrupavy raŭnd turniru, pakolki sychodzili z 12-ha miescy krainy ŭ jeŭrakubkavym rejtynh-liście hadavoj daŭnaści. Ale pa novych praviłach, pry losavańni Lihi čempijonaŭ JEHF zychodziła z padliku vynikaŭ vyklučna ŭ hetym turniry za try siezony, uklučajučy niadaŭna zavieršany. Tam Biełaruś była čatyrnaccataj.
U vyniku BHK pryjdziecca prajści kvalifikacyju, matčy pryznačany na 6—7 vieraśnia. Sapiernikam brestaŭčan na hetym etapie turniru stali hałandski «Tarhas Bievas Paninhien», słavacki «Tatran» i sierbskaja «Vajvodzina». Kvalifikacyja projdzie ŭ Breście ŭ farmacie «finał čatyroch». U pieršy dzień u paŭfinale «miaškoŭcy» zhulajuć z kłubam z Paninhiena, u vypadku pośpiechu ŭ finale sustrenucca ź pieramožcam pary «Tatran» i «Vajvodzina». Zaŭvažym, što dva apošnija kłuby ź`iaŭlajucca sapiernikami BHK i pa internacyjanalnaj SEHA-lizie.
U vypadku paśpiachovaha prachodžańnia kvalifikacyi ŭ hrupavym raŭndzie turniru sapiernikami BHK mohuć stać niamiecki «Kil», makiedonski «Mietałurh», charvacki «Zahrab», ispanski «Łahran`io» i francuzski PSŽ.
Usio vyšej pieraličanyja kłuby plus pieramožca kvalifikacyjnaha turniru ŭ Breście i skłali hrupu «A» asnoŭnaha raŭnda Lihi čempijonaŭ. Hety etap turniru projdzie z kastryčnika 2014 hoda pa luty 2015 hoda.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary