U Hiermanii buduć paznačać realny hradus ałkaholu ŭ biezałkaholnym pivie
Arhanizacyi pa abaronie pravoŭ spažyŭcoŭ damahlisia ad niamieckich pivavaraŭ zhody paznačać realny hradus ałkaholu ŭ biezałkaholnym pivie, navat kali jaho ŭtrymańnie nie pieravyšaje 0,5%, paviedamiła ŭ niadzielu niamieckaje infarmacyjnaje ahienctva DPA.
Pa vynikach pahadnieńnia, dasiahnutaha pamiž halinovym abjadnańniem pivavaraŭ Deutscher Brauer-Bund i Fiederalnym abjadnańniem centraŭ abarony pravoŭ spažyŭcoŭ, z 2015 hoda na etykietkach biezałkaholnych hatunkaŭ piva źjavicca infarmacyja pra realny źmiest ałkaholu.
Zhodna z zakanadaŭstvam u Hiermanii biezałkaholnyja hatunki piva mohuć utrymlivać da 0,5 hradusa ałkaholu. Pry hetym bolšaść spažyŭcoŭ ličyć, što ŭ padobnych napojach ałkahol adsutničaje całkam, kali advarotnaje nie paznačana na etykietcy. Takim čynam, pivavary ŭvodziać amataraŭ piva ŭ zman.
U chodzie pieramovaŭ spažyvieckija arhanizacyi nastojvali, što biezałkaholnym moža ličycca tolki piva, u jakim ŭzrovień ałkaholu sapraŭdy adpaviadaje 0,00%. Navat ab samym minimalnym źmieście spažyŭcy pavinny być papiaredžanyja z dapamohaj paznaki na etykietcy «Alk. <0,5% vol.»
Za apošni hod prodažy biezałkaholnych hatunkaŭ piva ŭ Hiermanii rezka ŭzraśli da 4,8 młn hiektalitraŭ u hod, što na 12% bolš, čym u 2012 hodzie, paviedamlaje Fiederacyja pivavaraŭ Hiermanii. U ahulnym abjomie prodaž biezałkaholnaha piva składaje kala 5% usioj pivavarnaj pramysłovaści Hiermanii.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary