«Ja absłuhoŭvaŭ anhielskaha karala»
Česki klasyk trymaje marku, chacia j nie ździŭlaje novymi vynachodkami.
Ja absłuhoŭvaŭ anhielskaha karala (Obsluhoval jsem anglickeho krale)
Čechija – Słavakija, 2006. kalarovy, 120 chv.
Režyser: Iržy Miencel
Roli vykonvajuć: Ivan Barneŭ, Ołdržych Kajzer, Julija Jenč, Marcin Chuba, Maryan Łabuda, Miłan Łasica, Jozef Abrcham, Iržy Łabus
Žanr: Histaryčnaja trahikamedyja pavodle ramanu Bahumiła Hrabała j scenaru Iržy Miencela
Pryzy: Pryz “FIPRESI” Berlinskaha kinafestu, Českija ilvy za najlepšy film, najlepšuju režysuru, najlepšuju aperatarskuju pracu
Adznaka: 6,5 (z 10)
Małady chłapiec raspačynaje karjeru ŭ pieradvajennaj Čechasłavaččynie. Uźlot adbudziecca ŭ časy akupacyi, kali hieroja pryznačać aficyjantam u nacyscki centar pa ŭznaŭleńniu aryjskaj rasy…
Klasyk českaha kino Iržy Miencel chacia j nie ździŭlaje vialikimi vynachodkami, ale hodna trymaje marku svajho humarnoha stylu. Trahikamičnyja niedarečnaści, paciešny mantaž paluboŭnych scenak – i vajskova-idealahičnych praktykavańniaŭ, pryvatny čałaviek – u žornach historyi, jaki ź lohkaściu abminaje ŭsie pastki – i stavić pad pytańnie surjoznaść vialikich padziej.
Miencel iranizuje nad usialakim patasam, a siamiejnyja abaviazki pad partretam Adolfa Hitlera – adzin z sama śmiešnych ździekaŭ nad nacyjanał-sacyjalizmam u historyi kino.
Lohkaja pačućciovaść, niehlamurnaja erotyka, ciopły humar Bahumiła Hrabała – pryjducca daspadoby amataram dobraha eŭrapiejskaha kino.
Seansy ŭ kinateatry "Pieramoha".
Taksama na ekranach "Zahana na ekspart".
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary