Na ŭkrainskim KPP Izvaryna słova «Ukraina» pieraroblena ŭ «ruina», visiać ściahi «ŁNR» i SSSR. Napaŭhołyja «apałčency» lažać i zaharajuć z aŭtamatami, paviedamiŭ błohier Cichan Dziadko u svaim Twitter.
Adznačym, što paviedamleńni pra bai i straty ŭkrainskaj armii ŭ rajonie Izvaryna vielmi supiarečlivyja.
Vystupajučy ŭ Słaviansku i kamientujučy infarmacyju ŚMI pra akružeńnie 400 ukrainskich siłavikoŭ u rajonie Izvaryna, ministr unutranych spraŭ Ukrainy Arsien Avakaŭ zajaviŭ: «Nie, niapraŭda. Tam idzie boj».
Siońnia, 16 lipienia, na bryfinhu śpikier infarmacyjnaha centra SNBA Andrej Łysienka prainfarmavaŭ pra toje, što ŭkrainskija vajskoŭcy patrapili ŭ zasadu niepadalok ad Izvaryna, jość straty: «Niepadalok ad nasielenaha punkta Izvaryn Łuhanskaj vobłaści asabisty skład Uzbrojenych sił Ukrainy trapiŭ u zasadu, i terarysty abstralali pazicyi ŭkrainskich vajskoŭcaŭ ź ciažkaj zbroi, straty ŭdakładniajucca, ale našy chłopcy trymajucca, i dapamoha im pastupaje».
Siońnia ž z členami siemjaŭ vajskoŭcaŭ sustreŭsia namieśnik ministra abarony Ukrainy Piotr Miechied. Svajaki vajskoŭcaŭ patrabavali pryniać nieadkładnyja miery, kab vyratavać bajcoŭ 72-j miechanizavanaj bryhady, jakija, pavodle dadzienych svajakoŭ, znachodziacca faktyčna ŭ akružeńni bajevikoŭ kala vioski Izvaryna. Heta taksama paćvierdzili, jak paviedamlaje UNIAN, i troje vajskoŭcaŭ hetaj bryhady, jakija zaraz znachodziacca ŭ Kijevie ŭ adpačynkach.
Akramia taho, siońnia ranicaj u ŚMI źjaviŭsia zapis razmovy z ukrainskim siłavikom, jaki słužyć u 2-m bataljonie 72-j miechanizavanaj bryhady.
«U nas niama ježy, niama vady. Nas zastałosia z usiaho bataljona ŭsiaho niekalki čałaviek. My žyviom u lesapasadcy, bolš adstupać niama kudy. Paranienych pavieźli kudyści ŭ tył, ich taksama razbambili. Z 40 mašyn vyžyła paru čałaviek. Niama bolš ludziej, kaho možna siudy jašče dasłać. Usie susiednija bryhady adstupili. Zastałasia tolki naša. My ŭ akružeńni znachodzimsia, treba prarvać hetaje kalco, kab nas vypuścić. My ciapier navat nie ŭ abaronie. My cierpim parazu. U nas siaja-taja technika zastałasia, ale jaje pa adnoj rasstrelvajuć supraćtankavymi kiravanymi rakietami. Za apošniuju noč nakryvali try razy sistemaj «Hrad», navat kamiani płavilisia ad takoj tempieratury», — paviedamlaje vajskoviec u efiry Esprieso.tv.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary