Minadukacyi valavym rašeńniem źnižaje minimalnyja parohavyja bały pa testavańni. Budučym aficeram dy sielhasrabotnikam dastatkova 9 bałaŭ pa troch testach.
Jeŭraradyjo spytałasia ŭ repietytaraŭ, što treba viedać, kab napisać test na 3 bały.
«A vy ŭpeŭnienyja, što heta praŭda? — niekalki razoŭ pierapytvaje repietytar pa fizicy Juryj Bielski z Homiela. Vykładčyk nie vieryć, što z tryma bałami pa fizicy ciapier možna niekudy pajści. — Try bały — heta dastatkova adkazać na adno-dva pytańni. Tam zaŭsiody jość takija pytańni ŭ častcy A, dzie ničoha nie treba rašać. Da prykładu, vybrać pravilnuju adzinku vymiareńnia. Kab nie nabrać try bały, treba ŭvohule nie adkazvać! Mo VNU spadziajucca na toje, što niachaj abituryjenty da ich pastupiać, a tam užo jany voźmuć u jažovyja rukavicy i zastaviać vyvučyć?»
Da prykładu, treba viedać, što takoje hipatenuza, — havoryć repietytar pa matematycy Źmicier Karatkievič. Adno pytańnie ŭ teście pa matematycy daje abituryjentu prykładna 1,5 bała. Dva pravilnyja adkazy — i pastupleńnie ŭ kišeni!
Kab viedać historyju na try bały, dastatkova vyvučyć niejki adzin pieryjad, zaŭvažaje staličny repietytar pa historyi Alaksandr Łucevič: «Nu, treba aryjentavacca ŭ vajnie. Bo hetamu nadajecca šmat ŭvahi, dastatkova pahladzieć pa telebačańni pieradačy, pryśviečanyja 3 lipienia ci 9 maja, i na try bały možna zdać. Chacia jaki buduć vajskoŭcy, kali historyja ŭ ich na try bały?»
«Ničoha nie treba viedać. Zaŭsiody jość testy, jakija možna zdać, nie viedajučy ničoha — uhadać», — vykładčyca ruskaj movy Taćciana Małakovič z Mahilova novymi minimalnymi bałami testaŭ šakavanaja.
Pa słovach nastaŭnicy, na try bały viedaje dvoječnik, jaki siadzić na apošniaj parcie i krajem vucha niešta tam čuje. «Na vychadzie i atrymajem takich śpiecyjalistaŭ», — uzdychaje nastaŭnica.
Pa anhlijskaj movie na try bały testa treba viedać čas dziejasłovaŭ dy frazieałahizmy — heta najpraściejšaje ŭ zamiežnaj movie, zaŭvažaje repietytar ź Minska Halina Viktaraŭna: «Ciapier nastaŭniki niepiśmiennyja. Ja sama prachodžu testavańnie, kab mnie davieryli abituryjentaŭ na kursach. I situacyja takaja, što vykładčyki nie pišuć hetyja testy, jany robiać pamyłki, i jany pracujuć ŭ škołach! Usia maja hvardyja, što vučyłasia ŭ savieckija časy, žartuje, što… my zaŭsiody budziem mieć pracu!»
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary