Staršynia Minharvykankama Mikałaj Ładućka daručyŭ bolš aktyŭna pryciahvać inviestaraŭ da budaŭnictva parkinhaŭ u Minsku. Adpaviednaje daručeńnie jon daŭ siońnia na pasiadžeńni Minharvykankama, dzie abmiarkoŭvałasia ŭdaskanaleńnie raboty pa pryciahnieńni inviestycyj.
«Stvareńnie novych parkinhaŭ u Minsku - heta pryncypovaje pytańnie. My ŭžo źviarnulisia va ŭrad z adpaviednym piśmom. U pryvatnaści, my prapanoŭvajem stvaryć pryvabnyja ŭmovy dla inviestaraŭ, jakija buduć budavać parkinhi. Siońnia biźnies nie vielmi aktyŭna idzie ŭ hetu śfieru, značyć, my pavinny pryniać kankretnyja miery, kab zacikavić jaho», — skazaŭ Mikałaj Ładućka. Pavodle jaho słoŭ, pryciahnuć inviestaraŭ da budaŭnictva parkinhaŭ možna z dapamohaj źmianieńniaŭ u sistemie padatkaabkładańnia.
Mikałaj Ładućka adznačyŭ, što ŭ bližejšy čas treba raspracavać prahramu raźvićcia sietki parkinhaŭ u stalicy. «U hetym płanie nieabchodna pryniać dakładnyja rašeńni — naprykład, padabrać placoŭki i pabudavać u stalicy 100 parkinhaŭ. Ale spačatku treba stvaryć umovy, kab ich było vyhadna budavać», — padkreśliŭ jon.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku20
Kamientary