U Biełarusi pavialičany kvoty na vytvorčaść naturalnych fruktova-jahadnych, a taksama pładovych macavanych maračnych vin palepšanaj jakaści i śpiecyjalnaj technałohii. Ab hetym paviedamili ŭ pres-słužbie biełaruskaha ŭrada, spasyłajučysia na pastanovu Savieta Ministraŭ ad 29 žniŭnia numar 852.
Dakumientam unosiacca źmianieńni i dapaŭnieńni ŭ pastanovu Savieta Ministraŭ ad 24 śniežnia 2013 hoda numar 1123, jakoj ustanoŭleny kvoty na vytvorčaść u 2014 hodzie ałkaholnaj pradukcyi, niecharčovaha etyłavaha śpirtu, srodkaŭ dezynfiekcyi, antysieptyčnych lekavych i vieterynarnych srodkaŭ, što adnosiacca da niecharčovaj śpirtaźmiaščalnaj pradukcyi, pryznačanych dla realizacyi na terytoryi Biełarusi. Tak, kvota na vytvorčaść fruktova-jahadnych naturalnych vin pavialičana z 293 tys. da 433 tys. dekalitraŭ, a na vytvorčaść pładovych macavanych maračnych vin palepšanaj jakaści i śpiecyjalnaj technałohii — z 15,464 młn da 15,604 młn dekalitraŭ.
U toj ža čas vytvorčaść savieckaha šampanskaha i inšych pienistych vin, zhodna z pastanovaj, pavinna skaracicca z 2,150 młn da 1,7 młn dekalitraŭ.
Fruktovaha dystylatu ŭ Biełarusi budzie vyrablena na 1 tys. dekalitraŭ bolš (nie 20 tys., a 21 tys.). Akramia taho, pastanovaj ustanoŭleny kvoty na vytvorčaść u 2014 hodzie vinnaha vinahradnaha kulera (35 tys. dekalitraŭ), mocnych śpirtnych napitkaŭ (3 tys. dekalitraŭ), zbožžavaha dystylatu (2 tys. dekalitraŭ).
Pastanova ad 29 žniŭnia numar 852 ustupaje ŭ siłu paśla jaje aficyjnaha apublikavańnia.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary