Prezident Rasii Uładzimir Pucin miarkuje, što dla spynieńnia krovapralićcia i stabilizacyi abstanoŭki na paŭdniovym uschodzie Ukrainy abodva baki kanfliktu pavinny ŭzhadnić i ažyćciavić šerah dziejańniaŭ.
«Pieršaje — heta spynić aktyŭnyja nastupalnyja apieracyi ŭzbrojenych sił, uzbrojenych farmavańniaŭ apałčeńnia paŭdniovaha ŭschodu Ukrainy na danieckim i łuhanskim kirunkach», — zajaviŭ žurnalistam Pucin.
Jon rastłumačyŭ, što ŭ chodzie svajho pieralotu ŭ Manholiju jon «nakidaŭ» svoj płan vyrašeńnia ŭkrainskaha kryzisu.
Druhoje — advieści ŭzbrojenyja padraździaleńni siłavych struktur Ukrainy na adlehłaść, jakaja vyklučaje mahčymaść abstrełu nasielenych punktaŭ artyleryjaj i ŭsimi vidami sistem załpavaha ahniu.
Treciaje — praduhledzieć ažyćciaŭleńnie paŭnavartasnaha i abjektyŭnaha mižnarodnaha kantrolu za vykanańniem umoŭ spynieńnia ahniu i manitorynham abstanoŭki, jakaja stvarajecca takim čynam u zonie biaśpieki.
Čaćviortaje — vyklučyć prymianieńnie bajavoj avijacyi suprać mirnych hramadzian i nasielenych punktaŭ u zonie kanfliktu.
Dalej — arhanizavać abmien asobaŭ, jakija hvałtoŭna ŭtrymlivajucca, pa formule «ŭsich na ŭsich» bieź jakich-niebudź papiarednich umoŭ.
Šostaje - adkryć humanitarnyja kalidory dla pieramiaščeńnia biežancaŭ i dastaŭki humanitarnych hruzaŭ u harady i inšyja nasielenyja punkty Danbasa — Danieckuju i Łuhanskuju vobłaści.
Siomaje — zabiaśpiečyć mahčymaść nakiravańnia ŭ paciarpiełyja nasielenyja punkty Danbasa ramontnych bryhad dla adnaŭleńnia razburanych abjektaŭ sacyjalnaj i žyćciozabieśpiačalnaj nfrastruktury, akazańnie dapamohi im.
Pucin miarkuje, što kančatkovyja damoŭlenaści pamiž uładami Kijeva i pradstaŭnikami paŭdniovaha ŭschodu Ukrainy mahli b być dasiahnuty i zamacavany ŭ chodzie pryznačanaj sustrečy kantaktnaj hrupy 5 vieraśnia.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ11
Kamientary