Nacyjanalnaja rada Ukrainy pa pytańniach telebačańnia i radyjoviaščańnia apublikavała śpis rasiejskich telekanałaŭ, zabaronienych da retranślacyi na terytoryi krainy.
Pa rašeńni ŭkrainskaj Nacrady i pastanovaŭ Akruhovaha administracyjnaha sudu Kijeva, u efirnych i kabielnych sietkach Ukrainy zabaronienaja retranślacyja 15 rasijskich telekanałaŭ: «Pieršy kanał. Suśvietnaja sietka», «RTR-Płanieta», «NTV-Śviet», «Rasieja-24», TVCI, «Rasieja-1», NTV, TNT, «Pieciarburh-5», «Źviezda», «Rien-TV», «RBK-TB», «Historyja», Life News i Russia Today.
Źmiest zamiežnych prahram hetych telekanałaŭ nie adpaviadaje patrabavańniam Jeŭrapiejskaj kanviencyi ab transhraničnym telebačańni i častcy pieršaj artykuła 42 zakona Ukrainy «Ab telebačańni i radyjoviaščańni».
Varta adznačyć, što ŭ Biełarusi bolšaść hetych ekstremisckich kanałaŭ retranślujecca praz usie kabielnyja sietki ŭ abaviazkovym paradku. U Biełarusi, naadvarot, niedastupnyja telekanały ŭkrainskija, jeŭrapiejskija, amierykanskija i navat adziny biełaruskamoŭny kanał «Biełsat».
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary