Vojska Polskaje prymaje na ŭzbrajeńnie novuju šturmavuju vintoŭku
Da kanca 2014 hoda Polšča moža pryniać na ŭzbrajeńnie najnoŭšuju šturmavuju vintoŭku MSBS Radon, charakternaj asablivaściu jakoj źjaŭlajecca modulnaja schiema pabudovy, paviedamlaje sajt altair.com.pl.
Raspracoŭka Modulnaj sistemy strałkovaj zbroi (Modułowy System Broni Strzeleckiej) Radon pačałasia ŭ 2007 hodzie, a ciapier stvaralniki i vytvorcy rychtujucca da pačatku sieryjnych pastavak vintoŭki ŭ polskaje vojska.
Zbroja kalibru 5,56 mm budzie pastaŭlacca ŭ dvuch varyjantach kampanoŭki — kłasičnym (dla piachoty i bolšaści inšych radoŭ vojsk) i bułpap-varyjancie (dla častak śpiecyjalnych apieracyj).
Davoli chutkaja zamiena zvyčajnaha stvała vintoŭki dazvalaje stvaryć ź jaje i lohki kulamiot, i vintoŭku dakładnaha boju dla snajpieraŭ, i pistalet-kulamiot dla vykarystańnia, naprykład, ekipažami braniatechniki.
Praz najaŭnaść tak zvanaj «rejki Pikacini» na vintoŭku moža ŭstaloŭvacca poŭny śpiektr amal lubych prycełaŭ, lichtaroŭ i pryład načnoha bačańnia sučasnych vytvorcaŭ.
Taksama vintoŭka moža lohka vykarystoŭvacca jak praŭšunami, hetak i leŭšunami, nie hublajučy vysokaj erhanamičnaści.
U mahazinie jana maje 30 patronaŭ, moža kamplektavacca 40-milimietrovym hranatamiotam i štychom. Važyć novaja vintoŭka ŭ kłasičnym piachotnym varyjancie biez patronaŭ 3,6 kh.
Ciapier polskaja armija vykarystoŭvaje šturmavuju vintoŭku Beryl (kbs wz. 1996 Beryl), u asnovie jakoj kanstrukcyja, atrymanaja ŭ spadčynu jašče ad aŭtamataŭ Kałašnikava.
Kamientary