Łukašenka: Kultura źjaŭlajecca adnym z najvažniejšych faktaraŭ umacavańnia nacyjanalnaj śviadomaści
Alaksandr Łukašenka pavinšavaŭ rabotnikaŭ kultury Biełarusi ź ich prafiesijnym śviatam.
«Vy robicie važki ŭniosak u skarbnicu ajčynnaj kultury, jakaja źjaŭlajecca siońnia adnym z najvažniejšych faktaraŭ umacavańnia nacyjanalnaj śviadomaści i adzinstva naroda», — cytuje tekst vinšavańnia pres-słužba prezidenta.
Mienavita tamu, zaznačaje Łukašenka, «takoje vialikaje značeńnie ŭ krainie nadajecca zachavańniu histaryčnaj i mastackaj spadčyny, zabieśpiačeńniu spryjalnych umoŭ dla aktyŭnaha raźvićcia sučasnaj biełaruskaj kultury».
Łukašenka zapeŭniŭ, što dziaržava «z pavahaj i pašanaj stavicca ad dasiahnieńniaŭ tvorčaj intelihiencyi», i paabiacaŭ «zaŭsiody padtrymlivać tych, chto svaim talentam uzbahačaje nacyjanalnyja duchoŭnyja skarby i prasłaŭlaje Biełaruś u śviecie».
Ministr kultury Barys Śviatłoŭ u svaim vinšavańni taksama adznačyŭ «hłybokuju pavahu dziaržavy da tych, chto stvaraje i bieražliva zachoŭvaje nacyjanalnuju kulturu niezaležnaj Biełarusi». «Šmatlikija kłuby i pałacy kultury, biblijateki i muziei, teatry, škoły mastactvaŭ i centry ramiostvaŭ zadziejničany ŭ ahulnym pracesie budaŭnictva najnoŭšaj historyi krainy», — havorycca ŭ vinšavańni kiraŭnika Minkultury.
Miž tym varta zaznačyć, što rabotniki śfiery kultury zastajucca ŭ Biełarusi adnoj z samych nizkaapłačvanych katehoryj. Tak, pavodle źviestak Biełstata, u žniŭni siaredniaja naličanaja zarpłata rabotnikaŭ śfiery adpačynku i zabaŭ, kultury i sportu skłała 4 młn 663 tys. rubloŭ. Dla paraŭnańnia: siaredniaja zarpłata ŭ finansavaj śfiery ŭ žniŭni skłała 9 młn 869 tys., u pramysłovaści — 6 młn 937 tys. rubloŭ.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary