U niadzielu, 26 kastryčnika, žurnalist Pavieł Šaramiet apublikavaŭ u svaim Twitter papiarednija vyniki pazačarhovych vybaraŭ u Viarchoŭnuju Radu Ukrainy.
Pavodle hetych dadzienych, pakul z vynikam u 22,2% lidziruje partyja ŭkrainskaha prezidenta «Błok Piatra Parašenki». Śledam iduć partyja «Narodny front» premjer-ministra Ukrainy Arsienija Jacaniuka i śpikiera Viarchoŭnaj Rady Alaksandra Turčynava (18,6%) i «Samapomač» (10,1%) Andreja Sadovaha.
Jak paviedamlaje Šaramiet, Kamunistyčnaja partyja Ukrainy i «Hramadzianskaja pazicyja» pakul nie prachodziać u parłamient z vynikami 3,4% i 3,3% adpaviedna.
Ekzit-poły žurnalist apublikavaŭ u mietafaryčnaj formie.
Tak «Błok Piatra Parašenki» jon nazvaŭ «cukierki», bo prezident Ukrainy — heta zasnavalnik i ŭładalnik kandytarskaj karparacyi Roshen. Akramia troch lidzirujučych partyj, pa dadzienych Šaramieta, u Viarchoŭnuju Radu pakul taksama prachodziać «Čarnamorskija vyški» z vynikam u 9,9%, «Hrabli» (8,2%), «Kosy» (6,1%) i «Sičaviki» (5,9%). Karystalniki ŭ sacyjalnych sietkach rasšyfroŭvajuć hetyja nazvy pa-roznamu.
Mnohija sychodziacca, što «Čarnamorskija vyški» — heta «Apazicyjny błok» z Dobkinym, Bojkam i Rabinovičam. «Kosy» — mahčyma, heta Błok Julii Cimašenki, «Hrabli» — Radykalnaja partyja A.Laška, a «Sičaviki» — partyja «Svaboda».
Vybarčyja ŭčastki adkrylisia ŭ 09:00 i buduć pracavać da 21:00 pa Minsku. U vyniku buduć abranyja 424 parłamientaryi: 199 u adnamandatnych mažarytarnych akruhach i 225 - pa partyjnych śpisach z prachadnym barjeram u 5%.
U vybarach biaruć udzieł 29 palityčnych abjadnańniaŭ.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary