Nacyjanalny akademičny teatr imia Janki Kupały stanie hościem Maskoŭskaha Mastackaha teatra ŭ 2015 hodzie. Ab hetym na pres-kanfierencyi ŭ Minsku paviedamiła pieršy namieśnik ministra kultury Biełarusi Iryna Dryha.
Biełaruskaja scena prymaje haściej — na scenie Kupałaŭskaha teatra 27 i 28 kastryčnika budzie pakazany śpiektakl «Dom» Maskoŭskaha Mastackaha teatra. Prajekt budzie mieć praciah, i ŭ chutkim časie kalektyŭ Kupałaŭskaha teatra vyznačycca, jakuju pastanoŭku jon pradstavić na sud maskvičoŭ.
Mastacki kiraŭnik Nacyjanalnaha akademičnaha teatra imia Janki Kupały Mikałaj Pinihin vykazaŭ nadzieju, što abmiennyja prajekty stanuć pastajannymi. «Takija abmieny abaviazkova treba arhanizoŭvać», — ličyć jon.
Havoračy ab supracoŭnictvie ŭ teatralnaj śfiery, Iryna Dryha adznačyła, što rasijskija teatry, jak staličnyja, tak i rehijanalnyja, źjaŭlajucca pastajannymi ŭdzielnikami biełaruskich fiestyvalaŭ. «Vystupleńni rasijskich kalektyvaŭ — zaŭsiody cikavy tvorčy vopyt dla supracoŭnictva, dla dalejšych kantaktaŭ», — upeŭniena pieršy namieśnik ministra.
Biełaruskija kalektyvy taksama vystupajuć na padmostkach teatraŭ Rasii. Nacyjanalny akademičny teatr imia Janki Kupały vyjazdžaŭ na hastroli ŭ Tomsk, u niejkim sensie na svaju histaryčnuju radzimu, vystupaŭ na scenie Teatra junaha hledača, dzie teatr pracavaŭ, znachodziačysia ŭ akupacyi ŭ hady Vialikaj Ajčynnaj vajny. Rasijskaja publika z zachapleńniem pryniała biełaruskija śpiektakli, akciory atrymali zaprašeńnie pryjechać znoŭ. Biełaruskija kalektyvy taksama ŭdzielničajuć u rasijskich fiestyvalach.
Jak adznačyła Iryna Dryha, supracoŭnictva Biełarusi i Rasii adbyvajecca na pastajannaj asnovie. Jana nahadała, što ŭ 2009 hodzie prajšoŭ Hod kultury Rasii ŭ Biełarusi, a ŭ 2010-m - Hod kultury Biełarusi ŭ Rasii. Praktykujucca abmiennyja tvorčyja akcyi, takija jak Dni kultury Maskvy, Dni kultury Sankt-Pieciarburha ŭ Biełarusi, i naadvarot. Novaja forma supracoŭnictva — Dni duchoŭnaj kultury Rasii ŭ Biełarusi. U hetych mierapryjemstvach prymali ŭdzieł teatralnyja, muzyčnyja kalektyvy, dziejačy mastactvaŭ, mastaki. Uzajemadziejańnie adbyvajecca i na ŭzroŭni arhanizacyj.
Namieśnik ministra kultury Rasijskaj Fiederacyi Alena Miłaŭzorava dadała, što abviaščeńnie ŭ Rasii hetaha hoda Hodam kultury stała impulsam dla dalejšaha raźvićcia adnosin u halinie kultury, u tym liku ź Biełaruśsiu. Heta płanka, jakuju ŭžo niama prava źnižać, ličyć jana. Viadučyja fiederalnyja teatry pradstavili hledačam u rehijonach svaje lepšyja pastanoŭki. Pakaz śpiektakla «Dom» Maskoŭskaha Mastackaha teatra ŭ Minsku, adnaho ź lepšych śpiektaklaŭ, — heta taksama znakavaja padzieja.
Pavodle jaje słoŭ, vyniki pierahavoraŭ pa dalejšych sumiesnych płanach Biełarusi i Rasii atrymajuć adlustravańnie ŭ mižviedamasnym pahadnieńni. Płanujecca arhanizacyja hastrolej teatraŭ, muzyčnych kalektyvaŭ, a taksama prajekty ŭ halinie muziejnaj dziejnaści. U pryvatnaści, razmova idzie ab arhanizacyi pierasovačnych vystavak rasijskich muziejaŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku6
Kamientary