Elektaralny rejtynh prezidenta Uładzimira Pucina ŭpieršyniu z pačatku 2014 rezka źniziŭsia — adrazu na vosiem punktaŭ, vynikaje z daśledavańnia sacyjołahaŭ «Levada-centra».
U žniŭni 2014 rejtynh Pucina dasiahnuŭ łakalnaha piku — 57%, ale ŭžo praź miesiac, u vieraśni, hety pakazčyk apuściŭsia da 49%. Heta prykładna adpaviadaje krasavickim rejtynham. Dla paraŭnańnia ŭ studzieni 2014 hoda, heta značyć da źmieny ŭłady va Ukrainie, rejtynh Uładzimir Pucina składaŭ 29%.
Varta adznačyć, što heta rejtynhi z raźliku «ad usich», uklučajučy tych, chto nie vyznačyŭsia.
U pieraraźliku na tych, chto dakładna vyznačyŭsia z vybaram, rejtynh Pucina źniziŭsia tolki z 87% da 81%.
Darečy, mocna skaraciłasia i kolkaść tych, chto vyznačyŭsia: u žniŭni takich było roŭna dźvie traciny, da vieraśnia ich stała ŭžo 59%. Dla paraŭnańnia ŭ studzieni pakazčyk składaŭ 45%.
Kamientary