Brytanskaja hazieta Daily Mail nazvała imia marpiecha, jaki zastreliŭ «terarysta numar adzin» Usamu bien Ładena. Pra heta jana napisała ŭ sieradu, 5 listapada.
Hazieta paviedamlaje, što 38-hadovaha marskoha piechacinca zavuć Rob O'Nił.
Raskryć svajo imia jon vyrašyŭ paśla taho, jak pazbaviŭsia prava na atrymańnie sacyjalnych ilhot paśla zvalnieńnia sa śpiecnazu. Jon prasłužyŭ 16 hadoŭ zamiest nieabchodnych dla ich 20.
O'Nił naradziŭsia i vyras u amierykanskim horadzie Bjut, štat Mantana. Jon pryniaŭ rašeńnie stać «marskim kocikam», jak raspavioŭ jaho baćka, paśla vypadku, kali na palavańnie ź im i synam pajšoŭ adzin sa śpiecnazaŭcaŭ.
«My čakali, što z nami budzie niechta rostam amal pad dva mietry, jaki moža hołymi rukami padniać dom. A heta ŭsiaho tolki byŭ zvyčajny chłopiec. I tady Rob skazaŭ, što kali hety chłopiec moža być marpiecham, to i jon taksama moža im stać». Adnak sam Rob raspavioŭ, što pajšoŭ u śpiecnaz z-za niaščasnaha kachańnia.
Za 16 hadoŭ słužby ŭ śpiecnazie O'Nił pryniaŭ udzieł u apieracyjach u Iraku i Afhanistanie. Za svoj termin jon vykanaŭ bolš za 400 bajavych zadač.
O'Niła uhanaravali śpiecyjalnaj uznaharodaj za toje, što 2 maja 2011 hoda jon zastreliŭ «terarysta numar adzin» Usamu bien Ładena. O'Nił try razy streliŭ jamu ŭ hałavu.
Usama bien Ładen — były lidar terarystyčnaj arhanizacyi «Al-Kaida» i adkazny za terarystyčnuju ataku 11 vieraśnia 2001 hoda ŭ Ńju-Jorku.
Pieršaje intervju z čałaviekam, jaki zastreliŭ bien Ładena, amierykanski telekanał Fox News mieŭ namier pakazać u efiry ŭ noč z 11 pa 12 listapada.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary