«Narodnuju Misis Pieciarburh» patrabujuć akunuć hałavoj va ŭnitaz

Ckandałom zaviaršyŭsia čarhovy konkurs pryhažości - karystalniki sacsietak zładzili ckavańnie 25-hadovaj Viktoryi Maładajevaj, jakaja vyjšła ŭ finał konkursu «Misis Sankt-Pieciarburh». Niezadavolenaść «hramadskaści» vyklikała nacyjanalnaść dziaŭčyny (jana buratka) i jaje palityčnyja pohlady.

Viktoryja žyvie ŭ Pieciarburhu dzieviać hadoŭ, zamužam za śpievakom Žarhałam Maładajevym (łaŭreatam konkursu «Viasna ramansa», uładalnikam premii Andreja Piatrova, uładalnikam Hran-pry fiestyvalu pieśni «Ja lublu ciabie, Rasija» i t. d.), Muž i žonka vychoŭvajuć trochhadovuju dačku Adys. Na konkurs Maładajeva pryjšła, kab dakazać, što «lubaja dziaŭčyna, jakoj by nacyjanalnaści, rostu i ŭzrostu jana ni była, moža prymać udzieł».

U internecie zapuścili hałasavańnie, kab vyjavić «Narodnuju misis Sankt-Pieciarburh». Viktoryja była na pieršym-druhim miescy. Pakul zaŭziatary spaborničali ŭ łajkach, pad fotazdymkami Maładajevaj vałam stali źjaŭlacca paviedamleńni šavinistyčnaha charaktaru: «Nafiha hańbić Picier usialakimi burackami durami».

Karystalnikaŭ abraziŭ udzieł «niatytulnaj» Maładajevaj u konkursie, tamu što im niezrazumieła, «pry čym tut Pieciarburh? Dziaŭčyna z Buracii misis Pieciarburh - prosta śmiešna».

Situacyja z Maładajevaj stała kopijaj historyi pieramohi na konkursie «Mis Rasija - 2013» Elmiry Abdrazakavoj, jakaja vymušana była vydalić staronki ŭ sacyjalnych sietkach z-za patoku abraz.

«Maja mama ruskaja, a tata tataryn, ja nie baču ničoha ŭ hetym kryminalnaha», - apraŭdvałasia pieramožca pierad rasistami.

Maładajevaj pryhadali i toje, što jana, nie budučy ruskaj, publična raskrytykavała palityku Uładzimira Pucina - u pryvatnaści, u dačynieńni da Ukrainy. Takim čynam, na dumku karystalnikaŭ, pradstaŭnica niatytulnaha nacyjanalnaści vystupaje suprać pradstaŭnikoŭ tytulnaj nacyjanalnaści, jakuju Rasieja ratuje u Krymie i Danbasie.

Viktoryja padkreślivaje, što jana žyvie ŭ pakul jašče svabodnaj krainie i maje prava na ŭłasny punkt hledžańnia. U pryvatnaści, joj, naprykład, nie padabajecca, što «ŭsio piensijnyja nazapašvańnia rasiejcaŭ za hety hod niezvarotna syšli ŭ Krym». «Vyklučycie zomba-skryniu!» - piša jana ŭ svaim błohu.

«Patryjoty» ŭpeŭnieny: pryznańnie Maładajevaj «Narodnaj Misis Sankt-Pieciarburh» niedapuščalna, uličvajučy jaje vykazvańni pra prezidenta Rasii i ab dałučeńni Kryma. «Viktoryja Maładajeva – nie «Narodnaja Misis», a hańba Sankt-Pieciarburha i Rasii», - pišuć asabliva zaŭziatyja niadobrazyčliŭcy.

Maładajeva ŭžo zajaviła, što nie źbirajecca admaŭlacca ad svaich palityčnych pohladaŭ. «I ŭsie hetyja abvinavačvańni ŭ antypatryjatyźmie śmiešnyja», - dadaje Viktoryja.

Dyrekcyja konkursu vyrašyła kamientary nie vydalać (maŭlaŭ, narodnaje ž hałasavańnie). Maładajeva zhadžajecca z kanstruktyŭnaj krytykaj, ale ličyć, što abrazy «burackaja durnica», «pahalić i hałavoj va ŭnitaz» možna ŭsio-tki vydalić.

Urešcie Viktoryja taki atrymała ŭznaharodu «Narodnaja misis Sankt-Pieciarburh».

• 0
• 0
• 0
• 0
• 0
• 0
• 0
• 0