Ministr Šunievič ab kanfiskacyi ŭkrainskich ściahoŭ: Patrabavańni zakona vykonvali, vykonvajem i budziem vykonvać
«Heta patrabavańni zakona. My ich vykonvali, vykonvajem i budziem vykonvać», — zajaviŭ ministr unutranych spraŭ Biełarusi Ihar Šunievič, kamientujučy kanfiskacyju ściahoŭ Ukrainy ŭ hledačoŭ na kancercie hurtu «Okiean Jelzi» 21 listapada ŭ «Minsk-Arenie».
Kiraŭnik MUS pryznaŭ, što rezanans ad dziejańniaŭ milicyi na kancercie ŭ Minsku «zdaryŭsia va Ukrainie». «U nas ja takoha rezanansu nie adčuvaŭ. Jaho i nie mahło być», — upeŭnieny ministr.
Pavodle słoŭ Šunieviča, «orhany ŭnutranych spraŭ abaviazany padtrymlivać pravaparadak na ŭsich masavych mierapryjemstvach, zvodzić da minimumu ŭsie mahčymyja ryzyki raźvićcia niespryjalnaj situacyi, u tym liku z punktu hledžańnia prajaŭleńnia ahresii, masavaha niepadparadkavańnia i h. d.»
«Usie zabaronienyja, niepažadanyja da pranosu pradmiety na takich masavych mierapryjemstvach kanfiskoŭvajucca, niezaležna ad taho, ci źjaŭlajecca heta ściaham ci inšym pradmietam, jaki zabaronieny», — skazaŭ ministr unutranych spraŭ.
Varta adznačyć, što akramia ŭkrainskich, zafiksavany niaredkija vypadki kanfiskacyi biełaruskich nacyjanalnych ściahoŭ. Adnak nie zdaryłasia vypadku kanfiskacyi ściahoŭ rasijskich abo savieckich.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary