Šturmavyja sapiornyja hrupy MUS stali najlepšymi ŭ Biełarusi
Na bazie śpiecpadraździaleńnia «A» KDB RB adbylisia pieršyja spabornictvy vybuchova-techničnych hrupaŭ śpiecyjalnych častak siłavych farmavańniaŭ Biełarusi, paviedamiŭ sajt infarmacyjnaha ahienctva Ministerstva abarony «Vajar».
Bajcoŭ takich hrupaŭ pa prykładzie ichnych amierykanskich kalehaŭ stali nazyvać «bryčerami» (ad to breach — prabivać, rabić prałom), im adnačasova mohuć spatrebicca navyki sapioraŭ, inžynieraŭ, alpinistaŭ. Razam sa zbrojaj jany niasuć ciažkija instrumienty i vybuchoŭku, kab prakłaści šlach praz stal, bieton i ŭsio inšaje, što moža być pieraškodaj na šlachu.
U spabornictvach, jakija adbylisia ŭ honar 25-hodździa stvareńnia hrupy «A», udzielničali kamandy Ministerstva ŭnutranych siłaŭ, Unutranych vojskaŭ, Dziaržaŭnaha pamiežnaha kamitetu i KDB RB.
Udzielniki padčas šmatlikich praktykavańniaŭ łamali instrumentami i padryvali vybuchoŭkaj dźviery i pieraškody, stavili i zdymali miny i «raściažki», stralali.
Nastupnym razam u spabornictvach mohuć pryniać udzieł i specnazaŭcy Ministerstva abarony.
Pieršaje miesca zaniali «bryčery» śpiecyjalnaha padraździaleńnia pa baraćbie z teraryzmam «Ałmaz» MUS RB, druhoje — śpiecyjalny atrad chutkaha reahavańnia ŭnutranych vojskaŭ, treciaje — pamiežny śpiecnaz (asobnaja słužba aktyŭnych mierapryjemstvaŭ DPK).
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary