Pradstaŭleny dyzajn hałoŭnaj jołki krainy — nacyjanalny arnamient i inšyja simvały
Mantažnyja raboty pa ŭstanoŭcy navahodniaj jełki ŭ formie konusu na Kastryčnickaj płoščy Minska ŭžo pačalisia i zavieršacca 15 śniežnia.
Centralnuju jełku Biełarusi ŭ hetym hodzie ŭpryhožać u nacyjanalnym styli, — paćvierdziŭ hałoŭny mastak — namieśnik dyrektara DP «Minskrekłama» Alaksiej Martynaŭ. — «Adzieńnie» jalinki budzie ź viadomymi elemientami biełaruskaj etnahrafičnaj kultury. Koleravaja hama — dosyć strymanaja.
Hałoŭnyja adcieńni — čyrvona-karyčnievyja, biełyja, šaravata-bežavyja tony, zapazyčanyja z afarmleńnia ručnikoŭ. My da hetaha času ekśpierymientujem z koleram. Naohuł, uvieś techničny praces afarmleńnia jełki ŭ nas tvorčy i ruchomy. A voś viarchuška zastaniecca tradycyjnaj, pakolki jana davoli ŭdałaja.
Asablivaja znachodka dyzajnieraŭ - płastykavyja cacki ŭ vyhladzie taleračak z poŭnakalarovaj piačatkaj, jakija ŭpryhožać jełku. Pa słovach načalnika adździeła dyzajnu HP «Minskrekłama» Siarhieja Hłuchava, na ich buduć naniesienyja adlustravańni Bresckaj krepaści, Biełaj viežy, Śviata-Duchava kafiedralnaha sabora, Biełaviežskaj puščy, Mirskaha zamka, duhi Struve. Usio heta značnyja i viadomyja biełarusam pamiatnyja miescy, jakija majuć status abjektaŭ Suśvietnaj kulturnaj i pryrodnaj spadčyny i uziatyja pad achovu Kamitetam JUNIESKA.
Kamientary