Viflejemski ahoń dastavili ŭ archikatedru Najśviaciejšaj Panny Maryi ŭ Minsku FOTAREPARTAŽ
Viflejemski ahoń dastavili ŭ Minsk słužycieli i skaŭty z Hrodna. Śviečku ad śviatyni ŭ archikatedry Najśviaciejšaj Panny Maryi zapaliŭ mitrapalit Minska-Mahiloŭski Tadevuš Kandrusievič.
«Siońnia my dakranajemsia da ahniu, jaki prybyŭ da nas z Betlejema, dzie cieła stałasia chlebam i dzie Syn Božy staŭsia čałaviekam. Betlejemski ahoń nazyvajecca Śviatłom miru i zapalvajecca ŭ Hrocie Naradžeńnia Jezusa Chrysta ŭ Betlejemie. Betlejemskaje Śviatło miru źjaŭlajecca simvałam ciepłyni, lubovi, miru i nadziei. Tradycyjna jaho staviać na vihilijnym stale», — raspavioŭ ijerarch.
Jon nahadaŭ, što kaliści navat padčas vajny na Božaje Naradžeńnie vajujučyja baki abjaŭlali pieramirje.
Sioleta Viflejemski ahoń pryvieźli ŭ Biełaruś užo ŭ 15 raz i rapaŭsiudžvajecca jon pad devizam «Supakoj u nas». U Biełaruś jaho pryvieźli z Aŭstryi. Mienavita ŭ Vienie raspačałasia heta tradycyja pryniasieńnia ahniu ź Viflejema. Upieršyniu heta adbyvałasia pa inicyjatyvie radyjo Aŭstryi i telebačańnia h. Linca, jak dabračynnaja akcyja na karyść biednych i dziaciej z abmiežavanymi mahčymaściami.
Ahoń štohod prynosicca ź Viflejema ŭ katedru ŭ Vienie i pieradajecca skaŭtam susiednich krain, jakija ŭ svaju čarhu pieradajuć jaho svaim susiedziam i h.d. Takim čynam jon traplaje ŭ najbolš dalokija kutki Jeŭropy.
U Biełaruś ahoń prybyŭ praz Słavakiju i Polšču.
Pryviezieny ŭ Minsk ahoń budzie pieradadzieny ŭ vosiem staličnych parafij, a taksama «dojdzie» i da šerahu parafij u Biełarusi, siarod jakich u tym liku Marjina Horka, Asipovičy, Mahiloŭ, Barysaŭ, Ivianiec.
Kožny viernik zmoža zapalić śviečku i prynieści čaścicu śviatoha ahniu ŭ svoj dom. Ahoń ź Viflejema budzie hareć u biełaruskich kaściołach praktyčna 2 tydni paśla katalickich Kaladaŭ.
Ciapier čytajuć
Jak žyvie prosty minski zvarščyk, jaki vyjhraŭ try miljony rubloŭ1
Kamientary