Časopis Arche ładzić vialiki kaladny rasprodaž.
Nabližajucca kaladnyja i navahodnija śviaty, i da ich redakcyja «ARCHE» prymiarkoŭvaje šyroki rasprodaž časopisnaj i knižnaj pradukcyi sa źnižanymi cenami na ŭsie prapanavanyja pazicyi. Usiaho na rasprodaž vystaŭlajucca 30 vydańniaŭ (14 numaroŭ «ARCHE» i 16 knih) na samuju raznastajnuju, ale pieradusim histaryčnuju tematyku.
Usie hetyja vydańni ŭ ramkach rasprodažu možna zamović z 20 śniežnia 2014 h. da 11 studzieniaŭ (uklučna), dasłaŭšy elektronny list na adras [email protected]. Cana kožnaha vydańnia (nie ŭklučajučy koštu dastaŭki) paznačana niepasredna pry kožnaj pazicyi. Dastaŭka adnaho vydańnia, u zaležnaści ad jaho vahi, moža kaštavać ad 25 da 40 tysiač rubloŭ. Pry zamovie kamplekta vydańniaŭ ad 5 asobnikaŭ dastaŭka robicca za naš košt.
Zamaŭlajučy vydańni, u poli «Tema» paznačajcie «Kaladny rasprodaž». U liście, akramia pieraliku patrebnych vydańniaŭ, treba paznačyć svaje dakładnyja kaardynaty: paštovy adras, indeks, proźvišča i inicyjały, i telefon dla kamunikacyi. Prapanova dziejničaje tolki na terytoryi Respubliki Biełaruś. Zamova budzie dastaŭlenaja paštovaj pierasyłkaj.
* * * * * * *
VYDAŃNI, JAKIJA VYSTAŬLAJUCCA NA RASPRODAŽ:
№ 1—2/2011 («19 śniežnia 2010: Płošča», ahulny abjom 277 staronak)
Hety numar byŭ pieršaj sprobaj pa haračych śladach kompleksna acanić i praalizavać toje, što adbyłosia ŭ Miensku padčas apošnich prezidenckich vybaraŭ. U materyjałach, źmieščanych u numary, razhladajecca jak pieryjad, što papiaredničaŭ dniu hałasavańnia, tak i padziei Płoščy 2010 h., a taksama toje, što adbyvałasia paśla jaje.
Poŭny źmiest numara dastupny TUT.
Cana — 15 000 rubloŭ.
№ 5/2011 («Połacak: padarožža ŭ prastory i časie»: ahulny abjom 412 staronak)
U numar uklučanyja šmatlikija materyjały pa historyi i kultury najstaražytniejšaha biełaruskaha horada, siarod aŭtaraŭ — Uładzimir Arłoŭ, Aleh Łatyšonak, Aleś Kraŭcevič, Vasil Varonin, Siarhiej Tarasaŭ, Viktar Žybul i inš.
Poŭny źmiest numara dastupny TUT.
Cana — 30 000 rubloŭ.
№ 9/2011 («Aŭstryja: ad impieryi da nacyi»; ahulny abjom 455 staronak)
Numar składajecca z raznapłanavych tekstaŭ roznych žanraŭ, pakazana raźvićcio aŭstryjskaj dziaržavy, śviadomaści, mastactva, litaratury ŭ vielmi dramatyčny pramiežak času — pryblizna za apošnija 100 hadoŭ. Asobnaja rubryka pad nazvaj «Biełaruskaja Aŭstryja» pryśviečana roznym aśpiektam biełaruska-aŭstryjskich suviaziaŭ.
Poŭny źmiest numara dastupny TUT.
Cana — 30 000 rubloŭ.
№ 11/2011 («Biełaruski humanitarny ahlad»; ahulny abjom 504 staronki)
U numary drukujucca raznastajnyja aryhinalnyja materyjały pa historyi i litaratury, šmatlikija recenzii i knižnyja ahlady.
Poŭny źmiest numara dastupny TUT.
Cana — 40 000 rubloŭ.
№ 1—2/2012 («Biełaruś evanhielskaja»; ahulny abjom 331 staronka)
U numary aśviatlajucca raznastajnyja aśpiekty historyi pratestantyzmu na Biełarusi z XVI st. da našych dzion.
Poŭny źmiest numara dastupny TUT.
Cana — 20 000 rubloŭ.
№ 4/2012 («Humanitarny ahlad-II»; ahulny abjom 308 staronak)
Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Hienadź Siemiančuk, Piotra Sadoŭski, Ina Sorkina, Alaksiej Kaŭka i inšyja.
Poŭny źmiest numara dastupny TUT.
Cana — 15 000 rubloŭ.
№ 5/2012 («Humanitarny ahlad-III»; ahulny abjom 283 staronki)
Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Aleś Smalančuk, Alaksandr Paškievič, Dźmitryj Vićko, Andrej Katlarčuk i inšyja.
Poŭny źmiest numara dastupny TUT.
Cana — 15 000 rubloŭ.
№6/2012 («Vajskovaja historyja Vialikaha Kniastva Litoŭskaha»; ahulny abjom 494 staronki)
U numary pradstaŭlenyja daśledavańni aŭtaraŭ ź Biełarusi (Mikoła Vołkaŭ, Vital Kalada, Viktar Jakubaŭ, Kirył Karluk, Natalla Śliž,), Polščy (Andžej Hžehaž Pšepiurka, Konrad Babiatynski, Kšyštaf Kasažecki, Piotr Krol, Tomaš Ciasielski, Maryjuš Savicki, Andžej Adam Majeŭski), Litvy (Vałdas Rakucis, Antanas Ciła, Rajmonda Rahaŭskienie) i Rasii (Iryna Hierasimava). U publikacyjach aśviatlajucca pytańni historyi asobnych vajskovych adzinak i harnizonaŭ, vajskovaha zakanadaŭstva VKŁ, upłyvu vojnaŭ i vajskoŭcaŭ na palityčnyja i kulturnyja pracesy ŭ krainie. Šmat miesca nadajecca apisańniu asobnych bitvaŭ, a taksama žyćciapisam najbolš vydatnych tahačasnych pałkavodcaŭ. Upieršyniu ŭ hetym numary byli źmieščanyja materyjały rekanstrukcyi źniešniaha vyhladu vajaroŭ VKŁ XVII st.
Poŭny źmiest numara dastupny TUT.
Cana — 50 000 rubloŭ.
№ 4/2013 («Biełaruś u ciani Paleśsia»; ahulny abjom 640 staronak)
Numar całkam pryśviečany historyi i kultury Biełaruskaha Paleśsia ŭ XIX—XXI stst. Na jaho staronkach apublikavanyja materyjały pa ahulnaj historyi rehijona i historyi asobnych miascovaściaŭ, bijahrafičnyja, etnałahičnyja i demahrafičnyja daśledavańni, uspaminy.
Poŭny źmiest numara dastupny TUT.
Cana — 60 000 rubloŭ.
№ 1—2/2014 («Historyja Biełarusi XIX st. u miemuarach»; ahulny abjom 384 staronki)
U materyjałach numara adlustravanyja raznastajnyja niuansy štodzionnaha žyćcia hramadstva XIX st. i źmieny, jakija ŭ im adbyvalisia. Pry hetym pad uvahu ŭ toj ci inšaj stupieni patrapili praktyčna ŭsie tahačasnyja sacyjalnyja płasty i katehoryi: vyšejšaja arystakratyja, siaredniaja i drobnaja šlachta, miaščanie, duchavienstva, pryhonnyja sialanie, pradstaŭniki nacyjanalnych mienšaściaŭ i inš.
Poŭny źmiest numara dastupny TUT.
Cana — 40 000 rubloŭ.
№ 3/2014 («Viciebskija historyi»; ahulny abjom 384 staronki)
Hety numar całkam pryśviečany Viciebsku i jaho tysiačahadovaj historyi. Jak pišuć u pradmovie jaho ŭkładalniki, «Viciebsk histaryčna maje pamiežny status. Za tysiačahadovuju historyju tolki dva stahodździ kala jaho nie prabiahała miaža. Uvieś astatni čas vićbičy — na franciry, što naklikała na horad biedstvy ad zachopaŭ i akupacyj. Tema źniščeńnia, ramontu, adnaŭleńnia i zaniadbańnia zamkaŭ pastajanna padymałasia žycharami Viciebska ŭ jaho siaredniaviečnaj i rańniemadernaj historyi».
Poŭny źmiest numara dastupny TUT.
Cana — 50 000 rubloŭ.
№4/2014 («Architekturnaja spadčyna: historyja rujnavańniaŭ i rekanstrukcyj»; ahulny abjom 572 staronki)
Numar całkam pryśviečany razhladu sučasnaha stanu rečaŭ, jaki skłaŭsia ŭ Biełarusi z achovaj architekturnych pomnikaŭ, i sprobaŭ, skiravanych na jaho palapšeńnie. Siarod aŭtaraŭ numara – Siarhiej Chareŭski, Iryna Łaŭroŭskaja, Valera Rusielik, Ściapan Sturejka, Taćciana Vadałažskaja i mnohija inšyja daśledčyki i hramadskija aktyvisty jak sa stalicy, tak i z rehijonaŭ.
Poŭny źmiest numara dastupny TUT.
Cana — 45 000 rubloŭ.
№5/2014 («Žyćcio razzbrojenaha čałavieka»; ahulny abjom 570 staronak)
U numary ŭpieršyniu ŭ pierakładzie na biełaruskuju movu drukujecca raman viadomaha polskaha piśmieńnika Siarhieja Piasieckaha «Žyćcio razzbrojenaha čałavieka». Pavodle ŭspaminaŭ piśmieńnika, hety raman jon sam ličyŭ navat bolš vartym za znakamitaha «Kachanka Vialikaj Miadźviedzicy». Piasiecki ŭ im chacieŭ pakazać žycharam tahačasnaj Polščy ŭsiu svaju kryŭdu na toje, što paśla demabilizacy ivojska paśla zakančeńnia polskaj-savieckaj vajny byłych žaŭnieraŭ, jakija abaranili krainu, prosta vykidali na vulicu jak niepatrebnyja rečy.
Akramia taho, siarod materyjałaŭ numara varta vyłučyć palemičny tekst Julija Karalova, u jakim jon arhumientavana dyskutuje ź viadomymi daśledčykami stalinskich represij u Biełarusi adnosna ich sapraŭdnaha maštabu i kolkaści paciarpiełych. U svaju čarhu, historyk Cimafiej Akudovič padvodzić vyniki minułahodnich dyskusij adnosna paŭstańnia 1863—1864 hh. na terytoryi Biełarusi, padymajučy niekatoryja sprečnyja pytańni, surjozna nie zakranutyja biełaruskimi navukoŭcami i publicystami ŭ jubilejny hod.
Poŭny źmiest numara dastupny TUT.
Cana — 45 000 rubloŭ.
№6/2014 («Mahnateryja Vialikaha Kniastva Litoŭskaha»; ahulny abjom 385 staronak)
U numary aśviatlajucca pytańni jak zaradžeńnia mahnackaha stanu ŭ VKŁ, tak i jahonaha dalejšaha raźvićcia dy zaniapadu. Artykuły pryśviečanyja jak asobnym jaskravym postaciam, tak i historyi cełych mahnackich rodaŭ, ich uładańniaŭ dy śpiecyfičnych instytutaŭ, ź imi źviazanych. U numary drukujucca pracy biełaruskich (Nina Skiepjan, Natalla Śliž, Dźmitryj Vićko, Nastaśsia Skiepjan), litoŭskich (Rymvidas Piatraŭskas, Hianucie Kirkienie, Vidas Dalinskas, Ramunie Šmihielskicie-Stukienie, Rajmonda Rahaŭskienie) i polskich (Tomaš Kempa, Andžej Adam Majeŭski, Adam Danilčyk, Kšyštaf Kasažecki, Maryjuš Savicki, Alaksandra Ziobier).
Poŭny źmiest numara dastupny TUT.
Cana — 40 000 rubloŭ.
Anton Adamovič. «Da historyi biełaruskaje litaratury» (ahulny abjom 1464 staronak)
Vydańnie znajomić čytača z małaviadomymi staronkami historyi biełaruskaj litaratury, asabliva praz tvory emihracyjnaha pieryjadu, kali napoŭnicu raskryŭsia krytyčny talent aŭtara. Usiaho ŭ zbornik uklučanyja 48 daśledavańniaŭ.
Poŭny źmiest knihi dastupny TUT.
Cana — 75 000 rubloŭ.
Adam Babareka. Zbor tvoraŭ u dvuch tamach (ahulny abjom 1665 staronak)
Amal što poŭny zbor tvoraŭ viadomaha mižvajennaha biełaruskaha litaraturaznaŭcy byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest vydańniaŭ dastupny TUT i TUT.
Cana — 100 000 rubloŭ (za dva tamy).
Konrad Babiatynski. «Ad Smalensku da Vilni. Vajna Rečy Paspalitaj z Maskovijaj (1654—1655 hh.)» (ahulny abjom 168 staronak)
Kniha pryśviečanaja historyi vajennaha kanfliktu, u vyniku jakoha ŭvosień 1655 h. amal usiu terytoryju Vialikaha Kniastva Litoŭskaha razam ź jahonaj stalicaj Vilniaj zaniali vojski maskoŭskaha cara Alaksieja Michajłaviča. Heta byŭ pieršy etap vialikaj vajny, jakaja praciahvałasia ŭ 1654—1667 hh. i zaviaršyłasia tolki Andrusaŭskim zamireńniem 31 studzienia 1667 h.
Poŭny źmiest knihi dastupny TUT.
Cana — 45 000 rubloŭ.
Bałachoŭcy: Śviedčańni, dakumienty, daśledavańni (ahulny abjom 470 staronak)
Asnovu dosyć abjomnaj (pad 500 staronak) publikacyi składaje daśledavańnie estonskaha historyka Jurasia Jurkieviča «Stvareńnie i dziejnaść Asobnaha atrada BNR u Bałtyi», pryśviečanaje sprobam stvareńnia biełaruskich vajskovych farmiravańniaŭ u Bałtyi ciaham 1919 h., a taksama praca «Bałachoŭcy», napisanaja sučaśnikam padziej, polskim aficeram Stanisłavam Lisam-Błonskim u 1920-ja hh.
Akramia hetaha, u knizie dadatkova źmieščanyja niekatoryja małaviadomyja ŭspaminy i dakumientalnyja śviedčańni, datyčnyja žyćcia i dziejnaści Stanisłava Bułak-Bałachoviča i jaho vajskovych farmavańniaŭ, a taksama śpis usich žaŭnieraŭ Asobnaha atrada BNR pa stanie na kaniec 1919 h.
Vydańnie ilustravanaje, u tym liku kalarovymi ilustracyjami.
Poŭny źmiest knihi dastupny TUT.
Cana — 50 000 rubloŭ
Mark Bartuška. «Partyzanskaja vajna ŭ Biełarusi ŭ 1941—1944 hh.» (ahulny abjom 194 staronki)
U knizie niamieckaha historyka dajecca ahlad dziejnaści roznych partyzanskich farmavańniaŭ na terytoryi akupavanaj Biełarusi ŭ 1941—1944 hh. Hieahrafičnyja miežy, jakija byli abranyja dla hetaj pracy, praktyčna achoplivajuć terytoryju sučasnaj Biełarusi, ale pry hetym razhladajucca taksama padziei ŭ rehijonie vakoł Vilni i na ziemlach, jakija ŭ 1939 h. uvajšli ŭ skład SSSR, adnak paśla 1945 h. byli znoŭ pieradadzienyja Polščy.
Poŭny źmiest knihi dastupny TUT.
Cana — 40 000 rubloŭ.
«Hieapalityčnaje miesca Biełarusi ŭ Eŭropie i śviecie»
Poŭny źmiest knihi dastupny TUT.
Cana —10 000 rubloŭ.
Aleh Łatyšonak. «Žaŭniery BNR» (ahulny abjom 373 staronki)
Vydańnie źmiaščaje tvory, u jakich razhladajucca sproby stvareńnia biełarusami nacyjanalnych vajskovych farmavańniaŭ u kancy 1910-ch — pačatku 1920-ch hh. Asnoŭnuju jaho častku składaje pierakład na biełaruskuju movu fundamientalnaj pracy «Biełaruskija vajskovyja farmavańni: 1917—1923 hady», reštu — kompleks artykułaŭ pra žyćcio i dziejnaść hienierała Stanisłava Bułak-Bałachoviča i pra asobnyja staronki ŭzbrojenaha zmahańnia biełarusaŭ za ŭłasnuju dziaržavu.
Poŭny źmiest knihi dastupny TUT.
Cana — 45 000 rubloŭ.
Jan Stankievič. «Za rodnuju movu j praŭdzivy nazoŭ» (ahulny abjom 742 staronki)
Hetaja kniha źjaŭlajecca łahičnym praciaham dźviuch inšych hruntoŭnych zbornikaŭ movaznaŭčych i histaryčnych prac hetaha aŭtara, jakija pierad hetym vydavalisia ŭ našym vydaviectvie: «Jazyk i jazykavieda» i «Kryŭja-Biełaruś u minułaści». Novaje vydańnie pavodle źmiestu z papiarednimi nie pierasiakajecca, jano źmiaščaje tyja pracy Ja. Stankieviča, jakija ŭ 1910—1970-ja hh. drukavalisia na staronkach biełaruskaha pieryjadyčnaha i niepieryjadyčnaha druku jak u Biełarusi, tak i pa-za jaje miežami.
Poŭny źmiest knihi dastupny TUT.
Cana — 50 000 rubloŭ.
Adam Stankievič. «Z Boham da Biełarusi» (ahulny abjom 1097 staronak)
U vydańnie ŭklučanyja asnoŭnyja pracy hetaha relihijnaha i nacyjanalnaha dziejača na histaryčna-kulturnuju tematyku, pa historyi chryścijanstva i chryścijanskaha ruchu ŭ Biełarusi, relihijnaha i palityčnaha charaktaru, a taksama kalandarnyja zapisy, jakija rabilisia A. Stankievičam z kanca 1930-ch hh. da siaredziny 1948 h. — unikalnaje, cudam zachavanaje śviedčańnie pra losavyznačalny dla Biełarusi i biełarusaŭ čas.
Poŭny źmiest knihi dastupnyTUT.
Cana — 80 000 rubloŭ.
Alaksandr Kraŭcevič. «Kraina pahraničča» (ahulny abjom 519 staronak)
U knihu ŭvajšli vybranyja navukova–papularnyja, eseistyčnyja i publicystyčnyja pracy, napisanyja aŭtaram na praciahu apošnich troch dziesiacihodździaŭ. Niekatoryja ź ich drukujucca ŭ zborniku ŭpieršyniu.
Pavodle aŭtara:
Kraj, jaki siońnia nazyvajecca Biełaruś, spradvieku byŭ i zastajecca krainaj miažy. Biełaruskaje pamiežža — źjava šmatpłanavajai ŭniviersalnaja. Jana pačynajecca ŭžo ad samoj pryrody. TerytoryjaBiełarusi — pamiežnaja raślinnaja zona, d zie hetak zvanaja jeŭrapiejskajatajha (sasnovyja bary i jałovyja huščary) pastupova pierachodziću listavy jeŭrapiejski les. Miaža vodapad ziełu pamiž bałtyjskaji čarnamorskaj vodnymi sistemami pierasiakaje ŭsiu krainu vialikaj duhoj ad paŭdniovaha zachadu da paŭnočnaha ŭschodu.
Poŭny źmiest knihi dastupny TUT.
Cana — 55 000 rubloŭ.
Aleh Łatyšonak, Jaŭhien Miranovič. «Historyja Biełarusi ad siaredziny XVIII st. da pačatku XXI st.» (ahulny abjom 368 staronak)
U abahulnialnaj pracy biełastockich historykaŭ biełaruskaha pachodžańnia razhladajucca asnoŭnyja momanty historyi Biełarusi apošnich dvuch z pałovaj stahodździaŭ. Aŭtary, niahledziačy na svajo polskaje hramadzianstva, adstojvajuć pierš za ŭsio biełaruski, a nie polski punkt hledžańnia na histaryčnyja padziei, ale, pavodle ŭłasnaj dekłaracyi, biez praźmiernaha šanavańnia biełaruskich histaryčnych mifaŭ.
Poŭny źmiest knihi dastupny TUT.
Cana — 45 000 rubloŭ.
«Letapisy i chroniki Biełarusi. Siaredniaviečča i rańniemaderny čas» (ahulny abjom 903 staronki)
Vydańnie ŭtrymlivaje teksty praktyčna ŭsich viadomych na siońniašni dzień biełaruska-litoŭskich letapisaŭ.
Poŭny źmiest knihi dastupny TUT.
Cana — 55 000 rubloŭ.
Siarhij Płachij. «Ruski Vaviłon: Damadernyja identyčnaści ŭ Rasii, Ukrainie i Biełarusi» (ahulny abjom 300 staronak)
U knizie prafiesara Kiembrydžskaha ŭniviersiteta (ZŠA) ukrainskaha pachodžańnia robicca sproba adkazać na pytańnie, jakoje zajmała šmatlikich letapiscaŭ i historykaŭ na praciahu mnohich stahodździaŭ: «Adkul pajšła Ruskaja ziamla?». Pry hetym havorka idzie tut nie stolki pra ziamlu ŭ siońniašnim razumieńni terminu, kolki pra narod dy nacyju, a adkaz na pytańnie farmujecca praz rekanstrukcyju rańniemadernych identyčnaściaŭ našych prodkaŭ i papiarednikaŭ. Daśledavańnie damadernych uschodniesłavianskich identyčnaściaŭ maje na ŭvazie vyvučeńnie pracesu raźvićcia cełaha šerahu identyčnaściaŭ, jakija ŭ rozny čas stajali za paniaćciem «Ruś».
Poŭny źmiest knihi dastupny TUT.
Cana — 45 000 rubloŭ.
Aleś Bieły. «Chronika Biełaj Rusi» (ahulny abjom 470 staronak)
Hetaja kniha — istotna pierapracavanaje i dapoŭnienaje pieravydańnie manahrafii hetaha ž aŭtara, vydadzienaj u 2000 h. i pryśviečanaj historyi ŭźniknieńnia charonima «Biełaja Ruś» dy jaho pastupovaha dastasavańnia da terytoryi siońniašniaj Respubliki Biełaruś. U 2001 h. pieršaje vydańnie knihi było ŭhanaravana zasnavanaj Biełaruskim PEN-centram premijaj imia Franciška Bahuševiča. Kniha bahata ilustravanaja, u tym liku i šmatlikimi (usiaho kala 50 štuk) kalarovymi ilustracymi.
Poŭny źmiest knihi dastupny TUT.
Cana — 60 000 rubloŭ.
Jan Šumski. «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» (ahulny abjom 326 staronak)
U knizie pakazanyja pieramieny, jakija adbyvalisia ŭ 1944—1953 hh. u žyćci i śviadomaści žycharoŭ zachodnich abłaściej BSSR, jakija pierad Pieršaj suśvietnaj vajnoj uvachodzili ŭ skład Polščy. Na staronkach vydańnia pradstaŭlena daśledavańnie nacyjanalnaha, kadravaha, kulturna-aśvietnickaha i prapahandyscka-infarmacyjnaha aśpiektaŭ pracesu savietyzacyi na akreślenych terytoryjach.
Poŭny źmiest knihi dastupny TUT.
Cana — 45 000 rubloŭ.
Rymvidas Piatraŭskas. «Litoŭskaja znać u kancy XIV— pačatku XV stahodździa» (ahulny abjom 386 staronki), druhoje vydańnie
Hetaja praca litoŭskaha historyka — sproba sintezu piersanalnaj i sacyjalnaj historyi Vialikaha Kniastva Litoŭskaha. Z adnaho boku, aŭtar imkniecca vyznačyć pachodžańnie litoŭskaj znaci i pakazać jaje hienieałahičnaje raźvićcio, a ź inšaha boku sprabuje raskryć strukturny pierałom unutry zhadanaj znaci, jaki adbyŭsia ŭ XV st. Abiedźvie asnoŭnyja prablemy razhladajucca z ulikam dośviedu jeŭrapiejskaj histaryjahrafii.
Poŭny źmiest knihi dastupny TUT.
Cana — 45 000 rubloŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary