U pieradnavahodni dzień banki trochi źnizili kursy kupli valuty
Biełarusam, jakija vyrašać ŭ bližejšy čas zdać valutu, treba ŭvažliva padychodzić da vybaru abmiennaha punkta. Napiaredadni navahodnich vychodnych, 30 śniežnia, banki rezka źnizili kurs kupli najaŭnaj valuty ŭ nasielnictva.
Učora dniom, 29 śniežnia, niekatoryja banki byli hatovyja płacić pa 14 000 rubloŭ. Siońnia ranicaj maksimum składaŭ užo 13 890 rubloŭ. Pa takim kursie možna było zdać dalary ŭ Biełarusbanku. U Biełahraprambanku «zialony» kupiać za 13 805 rubloŭ.
Da abiedu 30 śniežnia situacyja źmianiłasia: samy papularny kurs pakupki na dadzieny momant składaje 13 720 rubloŭ. Stolki daduć za amierykanskuju valutu ŭ Pryjorbanku, Alfa-Banku, MTBanku, Biełhazprambanku, Banku VTB, RRB Banku, Biełahraprambanku, a taksama ŭ Biełarusbanku.
Ledź vyšej kurs kupli vystaviŭ Ideja Bank — 13 750 rubloŭ za dalar. Bank BiełZEB siońnia kuplaŭ dalar da 13 650 rubloŭ. Kurs na ŭzroŭni 13 000 rubloŭ prapanuje Maskva-Minsk.
Samy niavyhadny kurs kupli ŭ druhoj pałovie dnia 30 śniežnia prapanavali siońnia abmieńniki Absalutbanka i Biełaruskaha narodnaha banka. Tut za dalar hatovyja prapanavać ŭsiaho tolki 12 700 rubloŭ i 12500 adpaviedna.
Što tyčycca kursaŭ prodažu dalara, to jon pačaŭ pastupova zbližacca z kursam pakupki. U bolšaści bankaŭ na tabło pakazany kurs vyšej za 12 tysiač rubloŭ.
Z ulikam 20-adsotkavaha zboru realny kurs, za jaki možna kupić valutu ŭ abmieńniku pry ŭmovie jaje najaŭnaści, składaje 14.040 - 14 440 rubloŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary