Śpiavačka łatvijskaha pachodžańnia Viktoryja Madesta stała viadomaja ŭ śviecie (prynamsi, u virtualnym), jak pieršaja pop-zorka z pratezam nahi.
«Bolšaść maich kompleksaŭ — hłupstvy, jakija nie dazvalajuć mnie žyć ščaśliva», — raspaviała Viktoryja paśla pracy nad klipam da svajho pieršaha chita vydańniu The Guardian.
Jaje pieśnia «Prototype» stała mižnarodnym chitom paśla ratacyi na brytanskim Channel 4. Na YouTube klip da hetaj pieśni prahladzieła bolš za 4,7 młn internet-karystalnikaŭ.
Sam klip, treba adznačyć, pravakacyjny. Viktoryja ličyć, što takim čynam zmahajecca z pohladam, što ludzi z abmiežavanymi mahčymaściami nie mohuć być seksualnymi.
«Heta zusim niedapuščalna. Ja ŭpeŭniena, što nie ŭsie tak ličać, ale mnohija ludzi tak dumajuć pra nas. Voś čamu ŭ klipie ja padkreślić svaju seksualnaść. Ja nie chacieła zrabić cieła pradmietam, abo spadabacca mužčynskaj aŭdytoryi. Ja chacieła pakazać eratyčnaść u miežach, u jakich ja adčuvaju siabie ŭ biaśpiecy», — zajaviła śpiavačka.
Kamientary